قابىلداۋعا كەلگەن جالعىز باستى انا پ.كەلەسبايەۆا باسىنا تۇسكەن قيىن جاعدايدى جەتكىزدى. قازىعۇرت اۋىلىنىڭ تۇرعىنىنىڭ ءۇيىن ءورت شالىپ، تۇرۋعا جارامسىز بولىپ قالعان. ءبىراز جيھازى جارامسىز كۇيگە تۇسكەن.
«Nur Otan» پارتياسى قازىعۇرت اۋداندىق فيليالى ءتوراعاسىنىڭ ءبىرىنشى ورىنباسارى، اۋداندىق ءماسليحات دەپۋتاتى ە.يساقۇلوۆ اتالعان جاعداي بويىنشا جەدەل ارەكەت ەتىپ، ءوتىنىش ايتا كەلگەن اناعا كومەك كورسەتۋگە دەپۋتاتتاردى جۇمىلدىردى.
ناتيجەسىندە وبلىستىق، اۋداندىق ءماسليحاتتاردىڭ ءبىر توپ دەپۋتاتى قارجىلاي كومەك كورسەتىپ، ءۇي تولىق جوندەۋدەن وتكىزىپ بەردى. سونىمەن بىرگە جەرگىلىكتى دەپۋتات مارات نۇران ۇلىنىڭ كومەگىمەن اتالعان تۇرعىننىڭ ءۇيىنىڭ قۇجاتتارى رەتتەلىپ بەرىلدى.
نۇروتاندىقتارعا، حالىق قالاۋلىلارىنا العىسىن بىلدىرگەن پ.كەلەسبايەۆا فيليالعا ارنايى كەلىپ، «Nur Otan» پارتياسىنا وتۋگە ءوتىنىش ءبىلدىردى.
قازىعۇرت اۋدانىنداعى دەپۋتاتتاردىڭ ساۋاپتى ءىسى ءبىر بۇل ەمەس. «Nur Otan» فراكسياسىنىڭ وكىلى، اۋداندىق ءماسليحات دەپۋتاتى ايكۇل اقىنعازييەۆا قوعامدىق قابىلداۋدا قاراباۋ اۋىلىنىڭ تۇرعىنى ق.جۇماتايەۆتىڭ ءوتىنىشىن تىڭدادى. تۇرعىن 2 جىلدان بەرى دەنساۋلىعىنا بايلانىستى مۇگەدەكتىككە شىعا الماي جۇرگەنىن، دارى-دارمەككە قاراجاتى جەتپەي قالاتىندىعىن ايتىپ شاعىمداندى.
دەپۋتات ايكۇل كۇزەنباي قىزى ق.جۇماتايەۆتى تولىق تەگىن مەديسينالىق تەكسەرۋدەن وتكىزۋگە كومەك كورسەتىپ قانا قويماي، مۇگەدەكتىك جاردەماقى الۋىنا دا ىقپال ەتتى. ەكى جىلدان بەرى شەشىمىن تاپپاعان ماسەلەسى شەشىلگەن تۇرعىن پارتيا فيليالىنا ارنايى كەلىپ، دەپۋتاتقا جانە جەتەكشى پارتياعا العىسىن ايتتى.
تۇركىستان وبلىسىندا «Nur Otan» فراكسياسىنىڭ 263 دەپۋتاتى بار. ولار بەكىتىلگەن كەستەگە سايكەس، قوعامدىق قابىلداۋلار وتكىزىپ جاتىر.
