Qońyrovtyń bastamasyn júzege asyrý úshin qyrýar qarjat kerek ekeni aitpasa da túsinikti. Koronavirýs álemdi daǵdarystyń qursaýynda ustap turǵan qazirgi tańda mol qarjyny Úkimet qaidan tabady?
Depýtat Úkimetke qarjyny qaidan alýǵa bolatynyn soqyrǵa taiaq ustatqandai qylyp kórsetipti. Ol Úkimettiń halyqqa nesielik raqymshylyq jasaýǵa qarjylyq áleýeti tolyq jetetinin senimdi.
Bul úshin Qońyryov elimizdegi óte bai adamdar men iri kompaniialar shetelge qyrýar qarjy aýdarǵanda olarǵa salynatyn salyqty kóterýdi usynypty. Sóz joq, bul mańyzdy usynys. Qazirgi tańda jyl saiyn Qazaqstannan shetelge milliardtaǵan qarjy shyǵarylatyny jasyryn emes. Demek, oǵan tiisti deńgeide salyq salynýy kerek. Bul óz kezeginde memleket qazynasynyń artýyna septesetini anyq.
Budan basqa Qońyrov Qazaqstanda qyrýar tabys taýyp otyrǵan transulttyq kompaniialarǵa salynatyn salyqty da kóterýdi usynypty. Bul da kópeten beri aitylyp júrgen mańyzdy másele. Biraq Úkimet alpaýyt kompaniialarǵa azýyn kórsete almai júrgeni janymyzǵa batady.
Sonymen qatar depýtat memlekettik apparattaǵy sheneýnikter armiiasyn qysqarty, olarǵa jumsalatyn qajetsiz shyǵyndardy qysqartýdy usynypty. Bul da aqylǵa qonymdy bastama. Búginde birqatar memqyzmetker qymbat kólik minip, qymbat jihazdar alýdy sánge ainaldyrǵany jasyryn emes. Eger osy shyǵyndardy pyshaq keskendei qysqartsaq, biýdjettiń búiiri kádimgidei shyǵyp qalar edi. Sondyqtan Qońyrovtyń bul bastamasy oryndy dep esepteimiz.
Óz kezeginde Aiqyn Qońyrov elimizdegi kvazimemlekettik mekemelerdiń tabysynyń 50 paiyzyn biýdjetke baǵyttaý máselesin kóteripti. Qazirgi tańda Ulttyq kompaniia dep ásepttep júrgen kompaniialar ultqa shynymen jany ashysa, Qońyrov aitqan usynysty qup alýy kerek. Olar qazynaly qazaq jeriniń bailyǵyn syrtqa satyp, tabys tapqandaryna máz. Olar tabysynyń 50 paiyzyn memleket qazynasyna qaitaratyn kez keldi.
Bul Aiqyn Qońyrovtyń bastamalary. Aldaǵy ýaqytta depýtat óziniń partiialas áriptesteriniń tize qosyp, ózi usynǵan tórt bastamanyń eń bolmaǵnada bireýin júzege asyrýǵa kúsh salýy kerek. Halyq bul usynystardyń bos áńgime bolyp qalmaǵanyn qalaidy.
Nurlan JUMAHAN
