قوڭىروۆتىڭ باستاماسىن جٷزەگە اسىرۋ ٷشٸن قىرۋار قارجات كەرەك ەكەنٸ ايتپاسا دا تٷسٸنٸكتٸ. كوروناۆيرۋس ەلەمدٸ داعدارىستىڭ قۇرساۋىندا ۇستاپ تۇرعان قازٸرگٸ تاڭدا مول قارجىنى ٷكٸمەت قايدان تابادى?
دەپۋتات ٷكٸمەتكە قارجىنى قايدان الۋعا بولاتىنىن سوقىرعا تاياق ۇستاتقانداي قىلىپ كٶرسەتٸپتٸ. ول ٷكٸمەتتٸڭ حالىققا نەسيەلٸك راقىمشىلىق جاساۋعا قارجىلىق ەلەۋەتٸ تولىق جەتەتٸنٸن سەنٸمدٸ.
بۇل ٷشٸن قوڭىرىوۆ ەلٸمٸزدەگٸ ٶتە باي ادامدار مەن ٸرٸ كومپانييالار شەتەلگە قىرۋار قارجى اۋدارعاندا ولارعا سالىناتىن سالىقتى كٶتەرۋدٸ ۇسىنىپتى. سٶز جوق, بۇل ماڭىزدى ۇسىنىس. قازٸرگٸ تاڭدا جىل سايىن قازاقستاننان شەتەلگە ميللياردتاعان قارجى شىعارىلاتىنى جاسىرىن ەمەس. دەمەك, وعان تيٸستٸ دەڭگەيدە سالىق سالىنۋى كەرەك. بۇل ٶز كەزەگٸندە مەملەكەت قازىناسىنىڭ ارتۋىنا سەپتەسەتٸنٸ انىق.
بۇدان باسقا قوڭىروۆ قازاقستاندا قىرۋار تابىس تاۋىپ وتىرعان ترانسۇلتتىق كومپانييالارعا سالىناتىن سالىقتى دا كٶتەرۋدٸ ۇسىنىپتى. بۇل دا كٶپەتەن بەرٸ ايتىلىپ جٷرگەن ماڭىزدى مەسەلە. بٸراق ٷكٸمەت الپاۋىت كومپانييالارعا ازۋىن كٶرسەتە الماي جٷرگەنٸ جانىمىزعا باتادى.
سونىمەن قاتار دەپۋتات مەملەكەتتٸك اپپاراتتاعى شەنەۋنٸكتەر ارميياسىن قىسقارتى, ولارعا جۇمسالاتىن قاجەتسٸز شىعىنداردى قىسقارتۋدى ۇسىنىپتى. بۇل دا اقىلعا قونىمدى باستاما. بٷگٸندە بٸرقاتار مەمقىزمەتكەر قىمبات كٶلٸك مٸنٸپ, قىمبات جيھازدار الۋدى سەنگە اينالدىرعانى جاسىرىن ەمەس. ەگەر وسى شىعىنداردى پىشاق كەسكەندەي قىسقارتساق, بيۋدجەتتٸڭ بٷيٸرٸ كەدٸمگٸدەي شىعىپ قالار ەدٸ. سوندىقتان قوڭىروۆتىڭ بۇل باستاماسى ورىندى دەپ ەسەپتەيمٸز.
ٶز كەزەگٸندە ايقىن قوڭىروۆ ەلٸمٸزدەگٸ كۆازيمەملەكەتتٸك مەكەمەلەردٸڭ تابىسىنىڭ 50 پايىزىن بيۋدجەتكە باعىتتاۋ مەسەلەسٸن كٶتەرٸپتٸ. قازٸرگٸ تاڭدا ۇلتتىق كومپانييا دەپ ەسەپتتەپ جٷرگەن كومپانييالار ۇلتقا شىنىمەن جانى اشىسا, قوڭىروۆ ايتقان ۇسىنىستى قۇپ الۋى كەرەك. ولار قازىنالى قازاق جەرٸنٸڭ بايلىعىن سىرتقا ساتىپ, تابىس تاپقاندارىنا مەز. ولار تابىسىنىڭ 50 پايىزىن مەملەكەت قازىناسىنا قايتاراتىن كەز كەلدٸ.
بۇل ايقىن قوڭىروۆتىڭ باستامالارى. الداعى ۋاقىتتا دەپۋتات ٶزٸنٸڭ پارتييالاس ەرٸپتەستەرٸنٸڭ تٸزە قوسىپ, ٶزٸ ۇسىنعان تٶرت باستامانىڭ ەڭ بولماعنادا بٸرەۋٸن جٷزەگە اسىرۋعا كٷش سالۋى كەرەك. حالىق بۇل ۇسىنىستاردىڭ بوس ەڭگٸمە بولىپ قالماعانىن قالايدى.
نۇرلان جۇماحان
