Depýtat Túrkistan oblysynda aýyldarǵa gaz berilip, mal bordaqylaityn alańdar iske qosylǵanyn aitty
Depýtat aldymen «Nur Otan» partiiasynyń «Ózgerister joly: ár azamatqa laiyqty ómir!» atty sailaýaldy baǵdarlamasynyń Túrkistan oblysynda oryndalý barysy týraly aityp berdi.
– «Nur Otan» partiiasynyń «Ózgerister joly: ár azamatqa laiyqty ómir!» sailaýaldy baǵdarlamasy boiynsha Jol kartasy bekitilgen. Búginde osy baǵytta naqty jumystar atqarylyp jatyr. Árbir aýdannyń, qalanyń óz damý jospary júielenip, baǵdarlamaǵa engizildi. Máselen, qazirdiń ózinde Báidibek aýdanynyń birneshe aýylyna gaz berildi. Saryaǵash aýdanynda mal bordaqylaityn iri kásiporyn ashylyp, jylyjai sharýashylyǵy boiynsha jospardaǵy jobalar iske asyrylýda, – degen Kalyima Jantóreeva Túrkistan, Kentaý qalalarynda da jumystar qolǵa alynǵanyn atap ótti.
