بۇگىن «Nur Otan» پارتياسى تۇركىستان وبلىستىق فيليالى ءتوراعاسىنىڭ ورىنباسارى، وبلىستىق ءماسليحات دەپۋتاتى كالىيما جانتورەيەۆا «دەپۋتاتقا سۇراق قوي» ايدارى بويىنشا تۇرعىندارمەن الەۋمەتتىك جەلىدە تىكەلەي ەفيردە جۇزدەستى، – دەپ حابارلايدى Dalanews.kz.

دەپۋتات الدىمەن «Nur Otan» پارتياسىنىڭ «وزگەرىستەر جولى: ءار ازاماتقا لايىقتى  ءومىر!» اتتى سايلاۋالدى باعدارلاماسىنىڭ تۇركىستان وبلىسىندا ورىندالۋ بارىسى تۋرالى ايتىپ بەردى.

–  «Nur Otan» پارتياسىنىڭ «وزگەرىستەر جولى: ءار ازاماتقا لايىقتى  ءومىر!» سايلاۋالدى باعدارلاماسى بويىنشا جول كارتاسى بەكىتىلگەن. بۇگىندە وسى باعىتتا ناقتى جۇمىستار اتقارىلىپ جاتىر. ءاربىر اۋداننىڭ، قالانىڭ ءوز دامۋ جوسپارى جۇيەلەنىپ، باعدارلاماعا ەنگىزىلدى. ماسەلەن، ءقازىردىڭ وزىندە بايدىبەك اۋدانىنىڭ بىرنەشە اۋىلىنا گاز بەرىلدى. سارىاعاش اۋدانىندا مال بورداقىلايتىن ءىرى كاسىپورىن اشىلىپ، جىلىجاي شارۋاشىلىعى بويىنشا جوسپارداعى جوبالار ىسكە اسىرىلۋدا، – دەگەن كالىيما جانتورەيەۆا تۇركىستان، كەنتاۋ قالالارىندا دا جۇمىستار قولعا الىنعانىن اتاپ ءوتتى.