Májilis depýtaty Dáýlet Muqaev jasandy intellektiniń bilim salasyna áserine alańdaýshylyq bildirip, mektep oqýshylaryna ony paidalanýǵa belgili bir shekteýler qoiýdy usyndy, dep habarlaidy Dalanews.kz.
"Tehnologiianyń damýy – jaqsy qubylys, biraq ýaqyt óte kele bul adamnyń oilaý qabiletiniń tómendeýine áser etýi múmkin. Qazirdiń ózinde mektep oqýshylary úi tapsyrmasyn oryndaýdyń ornyna, daiyn jaýapty ChatGPT-ge jazyp alyp, sony jetkilikti dep esepteidi. Meniń oiymsha, oqýshylar úshin belgili bir shekteýler engizý qajet", – dedi depýtat Parlament Májilisinde jasandy intellekt týraly zań jobasyn talqylaý barysynda.
Dáýlet Muqaevtyń aitýynsha, eger mundai shekteýler qarastyrylmasa, bolashaqta onyń keri áseri aiqyn seziledi.
"Eger biz qazirden bastap shara qoldanbasaq, onda bolashaqta mektep oqýshylary stýdent atanǵan kezde de, keiin eńbek naryǵyna qosylǵan kezde de qiyndyqtarǵa tap bolýy múmkin. Bul – elimiz úshin úlken qaýipterdiń biri. Sondyqtan zań jobasyn qarastyrý barysynda osy máseleni eskergen jón", – dep atap ótti depýtat.
