ءماجىلىس دەپۋتاتى داۋلەت مۇقايەۆ جاساندى ينتەللەكتىنىڭ ءبىلىم سالاسىنا اسەرىنە الاڭداۋشىلىق ءبىلدىرىپ، مەكتەپ وقۋشىلارىنا ونى پايدالانۋعا بەلگىلى ءبىر شەكتەۋلەر قويۋدى ۇسىندى، دەپ حابارلايدى Dalanews.kz.
"تەحنولوگيانىڭ دامۋى – جاقسى قۇبىلىس، ءبىراق ۋاقىت وتە كەلە بۇل ادامنىڭ ويلاۋ قابىلەتىنىڭ تومەندەۋىنە اسەر ەتۋى مۇمكىن. ءقازىردىڭ وزىندە مەكتەپ وقۋشىلارى ءۇي تاپسىرماسىن ورىنداۋدىڭ ورنىنا، دايىن جاۋاپتى ChatGPT-گە جازىپ الىپ، سونى جەتكىلىكتى دەپ ەسەپتەيدى. مەنىڭ ويىمشا، وقۋشىلار ءۇشىن بەلگىلى ءبىر شەكتەۋلەر ەنگىزۋ قاجەت"، – دەدى دەپۋتات پارلامەنت ماجىلىسىندە جاساندى ينتەللەكت تۋرالى زاڭ جوباسىن تالقىلاۋ بارىسىندا.
داۋلەت مۇقايەۆتىڭ ايتۋىنشا، ەگەر مۇنداي شەكتەۋلەر قاراستىرىلماسا، بولاشاقتا ونىڭ كەرى اسەرى ايقىن سەزىلەدى.
"ەگەر ءبىز قازىردەن باستاپ شارا قولدانباساق، وندا بولاشاقتا مەكتەپ وقۋشىلارى ستۋدەنت اتانعان كەزدە دە، كەيىن ەڭبەك نارىعىنا قوسىلعان كەزدە دە قيىندىقتارعا تاپ بولۋى مۇمكىن. بۇل – ەلىمىز ءۇشىن ۇلكەن قاۋىپتەردىڭ ءبىرى. سوندىقتان زاڭ جوباسىن قاراستىرۋ بارىسىندا وسى ماسەلەنى ەسكەرگەن ءجون"، – دەپ اتاپ ءوتتى دەپۋتات.
