Senator Kojaev jol erejesin buzýshylarǵa jeńildik alyp tastaýdy ne úshin usynǵanyn túsindirdi, dep habarlaidy Dalanews.kz.
Senat depýtaty Marat Kojaev jol qozǵalysy erejesin jii jáne qasaqana buzatyn júrgizýshilerge qatysty 50 paiyzdyq aiyppul jeńildigin alyp tastaý týraly usynysyn Senat kýlýarynda túsindirdi.
Eske salaiyq, biyl 13 aqpanda Marat Kojaev úkimetke depýtattyq saýal joldap, bir apta ishinde tólengen aiyppuldarǵa beriletin 50% jeńildikti alyp tastaýdy usynǵan bolatyn.
Onyń aitýynsha, bul usynys jol erejesin júieli túrde buzatyn azamattarǵa qatysty kóterilgen. Iaǵni, zańdy ádeii elemei, qaitalap quqyq buzatyn júrgizýshiler týraly sóz bolyp otyr.
– Qazir zań ondai júieli quqyqbuzýshylarǵa qarsy dármensiz. Olar úshin bul – jai ǵana aiyppul. Mundai azamattar kún saiyn avtobýs jolaǵyna túsip, qoǵamdyq kólikke kedergi keltiredi, jyldamdyq rejimin sanaly túrde buzady. Bul – jas júrgizýshilerdiń bir toby, qymbat kólikter tizgindegen, aýqatty otbasynan shyqqan jastar. Olar úshin bul aiyppul – jai ǵana «aqyly jol». Jol ústinde erkin júitkip, ózgelerdiń ómirine qaýip tóndiredi, – dedi Kojaev.
Senatordyń aitýynsha, keibir júrgizýshiler jylyna 100-den 150-ge deiin quqyqbuzýshylyq jasaidy.
– Men bul usynysty dál osyndai adamdar úshin kóterdim. Eger bir adam birdei sipattaǵy 10 ret buzýshylyq jasasa, 11-shi joly oǵan 50 paiyz jeńildik jasalmasyn. Bul jalpy halyqqa emes, tek az ǵana top – óreskel erejebuzýshylarǵa qatysty. Máselen, 10-nan 50-ge deiin jol erejesin buzǵan – 195 myńdai júrgizýshi bar. 50-den 100-ge deiin buzǵandar – birneshe myń. Al jylyna 300 jáne odan da kóp quqyqbuzýshylyq jasaǵan – júzdegen júrgizýshi bar, – dedi ol.
Senator usynysy qoǵamdyq rezonans týdyrǵan bolatyn. Qazir bul bastama tiisti memlekettik organdarda qaralyp jatyr.
