Májilis otyrysynda Ermurat Bapı Qazaqstan men Eýropadaǵy MRT baǵasyn salystyrdy, dep habarlaıdy Dalanews.kz.

Depýtattyń sózinshe, ol byltyr syrqattanǵan ýaqytynda magnıtti-rezonansty tomografıaǵa (MRT) túskenin aıtty. 

"Byltyr aýyryp qalǵanymda eki ret Eýropaǵa baryp, emdelip qaıttym. Sol kezde MRT baǵasy 870 eýro bolǵan kezde, al kompúterlik tomografıa baǵasy 750 eýro bolǵan kezde Qazaqstandaǵy baǵany "qudaıǵa shúkir" dep oıladym. Degenmen MÁMS máselesi qozǵalǵanda qoǵam tarapynan narazylyq bolyp jatady. Osy turǵyda talqylaý barysynda MÁMS-tiń basqarma quramyna qoǵam múshelerin kirgizý nemese qyzmetin baqylaıtyn komısıa qurý múmkin be?" dep surady Ermurat Bapı. 

Bul suraqqa densaýlyq saqtaý mınıstr Aqmaral Álnazarova jaýap berdi. Onyń sózinshe, bul máselede qoǵamdyq baqylaý qajet. 

"Usynysyńyz durys, ony qoldaımyz. Densaýlyq saqtaý mınıstrligi usynysyńyzdy qoldap, zańǵa engizý kerek bolsa engizemiz. Quramdy jańartý týraly usynys bolsa, qarastyrýǵa daıynbyz", deıdi mınıstr.