Joǵarǵy sottyń sýdialary belgili mánerlep syrǵanaýshy Denis Tendi óltirgen eki sottalýshynyń kassatsiialyq shaǵymyn qanaǵattandyrmady. Búgin Astanada osy is boiynsha sot otyrysy ótti, dep habarlaidy Dalanews.kz.
Otyrysta Qudaibergenov pen Qiiasovtyń qorǵaýshysy Samat Saǵidanov sóz sóilep, ekeýin aqtaýdy surady. Osydan keiin sýdialar keńesý bólmesine baryp, sheshim shyǵardy.
“Sýdialar isti kassatsiialyq sotqa jiberýden bas tartty”, - delingen Joǵarǵy sottyń baspasóz qyzmeti taratqan málimette.
Joǵarǵy sot isti kassatsiialyq sotqa jiberetindei sottyń nemese tergeýdiń jumysynan qandai da bir quqyq buzýshylyq taba almaǵan.
Eske sala keteiik, Denis Ten 2018 jyldyń 19 shildesinde Almaty qalasynda qaiǵyly jaǵdaida qaza tapty. Ony kóliginiń ainasyn urlamaq bolǵan eki adam – Nuraly Qiiasov pen Arman Qudaibergenov pyshaqtap ketken. Jaraqat saldarynan Denis Ten kóp qan joǵaltyp, aýrýhanada kóz jumdy. Bul oqiǵa Qazaqstan qoǵamyn dúr silkindirdi.
2019 jyldyń basynda sot úkimi shyǵyp, Qiiasov pen Qudaibergenov 18 jylǵa bas bostandyǵynan aiyryldy.
Sol oqiǵaǵa qatysty sot protsesi áli de qoǵam nazarynda, búgingi kassatsiialyq shaǵym osy úkimge bailanysty jasalǵan bolatyn.
