جوعارعى سوتتىڭ سۋديالارى بەلگىلى مانەرلەپ سىرعاناۋشى دەنيس تەندى ولتىرگەن ەكى سوتتالۋشىنىڭ كاسساسيالىق شاعىمىن قاناعاتتاندىرمادى. بۇگىن استانادا وسى ءىس بويىنشا سوت وتىرىسى ءوتتى، دەپ حابارلايدى Dalanews.kz.
وتىرىستا قۇدايبەرگەنوۆ پەن قياسوۆتىڭ قورعاۋشىسى سامات ساعيدانوۆ ءسوز سويلەپ، ەكەۋىن اقتاۋدى سۇرادى. وسىدان كەيىن سۋديالار كەڭەسۋ بولمەسىنە بارىپ، شەشىم شىعاردى.
“سۋديالار ءىستى كاسساسيالىق سوتقا جىبەرۋدەن باس تارتتى”، - دەلىنگەن جوعارعى سوتتىڭ باسپا ءسوز قىزمەتى تاراتقان مالىمەتتە.
جوعارعى سوت ءىستى كاسساسيالىق سوتقا جىبەرەتىندەي سوتتىڭ نەمەسە تەرگەۋدىڭ جۇمىسىنان قانداي دا ءبىر قۇقىق بۇزۋشىلىق تابا الماعان.
ەسكە سالا كەتەيىك، دەنيس تەن 2018 جىلدىڭ 19 شىلدەسىندە الماتى قالاسىندا قايعىلى جاعدايدا قازا تاپتى. ونى كولىگىنىڭ ايناسىن ۇرلاماق بولعان ەكى ادام – نۇرالى قياسوۆ پەن ارمان قۇدايبەرگەنوۆ پىشاقتاپ كەتكەن. جاراقات سالدارىنان دەنيس تەن كوپ قان جوعالتىپ، اۋرۋحانادا كوز جۇمدى. بۇل وقيعا قازاقستان قوعامىن ءدۇر سىلكىندىردى.
2019 جىلدىڭ باسىندا سوت ۇكىمى شىعىپ، قياسوۆ پەن قۇدايبەرگەنوۆ 18 جىلعا باس بوستاندىعىنان ايىرىلدى.
سول وقيعاعا قاتىستى سوت پروسەسى ءالى دە قوعام نازارىندا، بۇگىنگى كاسساسيالىق شاعىم وسى ۇكىمگە بايلانىستى جاسالعان بولاتىن.
