Aita ketsek, búgingi Úkimet jiynynda Premer-ministr Oljas Bektenov qarjy ministriniń deklaratsiialaýdyń tórtinshi kezeńinde qamtylatyn jeke tulǵalardyń 90%-yn deklaratsiialaýdan bosatý týraly usynysyn qoldady. Al bul 8 millionǵa jýyq adam deklaratsiia tapsyrýdan bosatylady degen sóz. Al qalǵan 10% degen kimder? Bul saýal jaýabyn Dalanews.kz saitynan oqyp-bile otyryńyzdar.
Qarjy ministrliginiń málimetinshe, deklaratsiialaý myna sanattaǵy tulǵalar úshin óz kúshin saqtaidy:
- Qazaqstan Respýblikasynan tys jerlerde aktivteri bar,
- bir jyl ishinde quny 20 000 AEK (2024 jyly 1 AEK - 3692, demek 738 400 000 teńgeden) astam somaǵa satyp alýlar jasaǵan,
- salyq tólep, óz betinshe tabys tapqandar
"Budan basqa, azamattarǵa erikti túrde deklaratsiialaý quqyǵy beriledi", — dep atap ótti búgingi jiynda Qarjy ministri.
Quzyrly vedomstvo málimetinshe, jalpy júiede 4,8 mln qazaqstandyq tirkelgen. 2024 jyly deklaratsiia usynbaǵan nemese salyq kezeńin usynbaǵan ne qate kórsetken azamattar 281 myń habarlama aldy. Olardyń besten bir bóligi oryndaldy.
Aita ketsek, 14 qarashada Qazaqstanda jalpyǵa birdei deklaratsiialaýdyń III jáne IV kezeńderiniń kúshin joiý týraly petitsiia jariialandy. Onda tabysynyń jartysynan kóbi tek isher asyna ketetin qara halyqty bos áýrege salmai, deklaratsiialaýdan bosatý suralǵan edi.
