Dúniejúzilik densaýlyq saqtaý uiymy tátti sýsyndar, alkogol jáne temeki ónimderiniń baǵasyn 2035 jylǵa deiin 50%-ǵa deiin kóterýge shaqyrdy. Bas uiym osylaisha qant diabeti, júrek aýrýlary men qaterli isikten bolatyn ólim-jitimdi azaitýǵa bolady dep sanaidy, dep habarlaidy Dalanews.kz.
Dúniejúzilik densaýlyq saqtaý uiymynyń (DDU) "3-ke 35" dep atalatyn jańa bastamasy temeki, alkogol jáne tátti sýsyndarmen kúresýge baǵyttalǵan.
DDU-nyń jaqynda jariialaǵan esebine sáikes, bul ónimderge baǵany bir rettik 50%-ǵa kóterý aldaǵy 50 jyl ishinde 50 mln mezgilsiz ólimniń aldyn alýy múmkin.
"Densaýlyq úshin salynatyn salyqtar — bizdiń qolymyzdaǵy eń tiimdi quraldardyń biri. Olar ziiandy ónimderdi tutynýdy azaityp, úkimetke densaýlyq saqtaý, bilim berý jáne áleýmettik qorǵaý salalaryna qaita investitsiialaýǵa múmkindik beredi. Endi áreket etetin ýaqyt keldi", delingen uiymnyń úndeýinde.
Atalmysh bastamanyń maqsaty – aldaǵy 10 jyl ishinde 1 trn dollar qarajat jinaý. 2012–2022 jyldar aralyǵynda álemniń 140-qa jýyq eli temeki ónimderine salyqty arttyrǵan. Bul shylym baǵasynyń 50%-dan astam ósimine alyp keldi.
Aita ketsek, Dúniejúzilik bank Qazaqstanǵa halyq densaýlyǵyn jaqsartý maqsatynda quramynda qanty bar sýsyndarǵa aktsiz engizýdi usynǵan edi, óitkeni elde árbir tórtinshi bala semizdikke nemese artyq salmaqqa shaldyqqan.
Buǵan deiin elimizde temeki taǵy da qymbattaýy múmkin ekenin jazǵanbyz.
