Dalanews.kz "QOLDA" jedel kómek kórsetý jobasy aiasynde karantin kezinde qarapaiym halyqqa kórsetilip jatqan qoldaý sharalaryn barynsha nasihattap keledi. Osydan birineshe kún buryn Olipiada chempiony, úlken júrekti azamat Dáýlet Turlyhanov týǵan jeri ShQO-daǵy jaǵdaiy tómen otbasylarǵa 80 tonna azyq-túlik jiberdi dep habarlaǵan edik. Búginde sol Dáýlettiń kómek-qoldaýy ielerin tapty.
Mine búgin sol 80 tonna azyq-túlik eldi-mekenderge kelip jetti.
Koronavirýs pandemiiasy kezinde dańqty palýan, eńbek sińirgen sport sheberi, Qazaqstannyń eńbek sińirgen qairatkeri Dáýlet Turlyhanov, jerlesterine qoldaý bildirý maqsatynda oblysymyzdyń aýdandaryndaǵy kómekke muqtaj, az qamtylǵan turmysy tómen otbasylaryna joldaǵan 80 tonna azyq-túlik eldi-mekenderge kelip jetti.
Alǵashqylardyń biri bolyp kómekti Kókpekti aýdanynyń 300 otbasy alyp, dańqty palýanǵa riiasyz rizashylyǵyn bildirdi.
Sonymen qatar batyrdyń kindik qany tamǵan Jarma aýdanyna da azyq-túlik tiegen júk kerýenderi jetti.
Aýdan basshysy arnaiy qurylǵan komissiia músheleri jergilikti turǵyndardyń osal toptaryna teńdei úlestirip berdi. 80 tonnany quraityn azyq-túlik qalǵan Tarbaǵatai, Abai, Aiagóz, jáne Úrjar aýdandaryndaǵy áleýmettik jaǵynan az qamtylǵan jandarǵa taratyldy.
Iá “Biz birgemiz” aktsiiasynyń aimaqtarda da júieli jalǵasyn tabýy, osyndai júregi keń jomart jandardyń arqasynda iske asyp jatqan bolar.
Qiyn-qystaý kezde judyryq bolyp jumylyp, bir-birimizge qoldaý kórsetý asa mańyzdy ekeni sózsiz.
Búginde metsenattardyń qoldaýymen «Birgemiz» qoryna 18 miiliard 899 million teńge qarjy jinaldy.
Sonymen qatar 7 milliard 600 milionnan astam teńge oblystarmen respýblikalyq mańyzy bar qala turǵyndarynyń 150 myńnan asa osal toptaryna 50 myń teńgeden berildi.
Qýanysh RAHMETOLLAULY,
Semei qalasy
https://dalanews.kz/52216
