Resei prezidentiniń baspasóz hatshysy Dmitrii Peskov Qazaqstan prezidenti Qasym-Jomart Toqaevtyń Vladimir Pýtin týraly aitqan pikirine qatysty pikir bildirdi, dep habarlaidy dalanews.kz.
Peskovtyń aitýynsha, mundai málimdemelerdi bolashaqty boljai alatyn, saiasi ustanymy berik ári dáiekti saiasatkerler ǵana jasai alady.
«Prezident Toqaev – saiasi salmaǵy zor, múmkindigi mol tulǵa. Bolashaqty kóre biletin, berik ustanymy men dáiektiligi bar saiasatkerler ǵana osyndai pikir aitýǵa qaýqarly. Basqalar muny jasai almaidy», – dedi Kreml ókili.
Eske salaiyq, buǵan deiin Germaniiaǵa jasaǵan sapary kezinde Qasym-Jomart Toqaev Resei prezidenti Vladimir Pýtindi «kórnekti memleket qairatkeri» dep ataǵan bolatyn. Sondai-aq ol Pýtindi Qazaqstan, Ortalyq Aziia, Eýropa jáne jalpy álem úshin eń qolaily saiasi tulǵalardyń biri dep sanaitynyn málimdegen.
