Dalanews.kz "QOLDA" جەدەل كومەك كورسەتۋ جوباسى اياسىندە كارانتين كەزىندە قاراپايىم حالىققا كورسەتىلىپ جاتقان قولداۋ شارالارىن بارىنشا ناسيحاتتاپ كەلەدى. وسىدان بىرىنەشە كۇن بۇرىن وليپيادا چەمپيونى، ۇلكەن جۇرەكتى ازامات داۋلەت تۇرلىحانوۆ تۋعان جەرى شقو-داعى جاعدايى تومەن وتباسىلارعا 80 توننا ازىق-تۇلىك جىبەردى دەپ حابارلاعان ەدىك. بۇگىندە سول داۋلەتتىڭ كومەك-قولداۋى يەلەرىن تاپتى.  

مىنە بۇگىن سول 80 توننا ازىق-تۇلىك ەلدى-مەكەندەرگە كەلىپ جەتتى.

كوروناۆيرۋس پاندەمياسى كەزىندە داڭقتى پالۋان، ەڭبەك سىڭىرگەن سپورت شەبەرى، قازاقستاننىڭ ەڭبەك سىڭىرگەن قايراتكەرى داۋلەت تۇرلىحانوۆ، جەرلەستەرىنە قولداۋ ءبىلدىرۋ ماقساتىندا وبلىسىمىزدىڭ اۋداندارىنداعى كومەككە مۇقتاج، از قامتىلعان تۇرمىسى تومەن وتباسىلارىنا جولداعان 80 توننا ازىق-تۇلىك ەلدى-مەكەندەرگە كەلىپ جەتتى.

العاشقىلاردىڭ ءبىرى بولىپ كومەكتى كوكپەكتى اۋدانىنىڭ 300 وتباسى الىپ، داڭقتى پالۋانعا رياسىز ريزاشىلىعىن ءبىلدىردى.

سونىمەن قاتار باتىردىڭ كىندىك قانى تامعان جارما اۋدانىنا دا ازىق-تۇلىك تيەگەن جۇك كەرۋەندەرى جەتتى.

 اۋدان باسشىسى ارنايى قۇرىلعان كوميسسيا مۇشەلەرى جەرگىلىكتى تۇرعىنداردىڭ وسال توپتارىنا  تەڭدەي ۇلەستىرىپ بەردى.  80 توننانى قۇرايتىن ازىق-تۇلىك قالعان تارباعاتاي، اباي، اياگوز، جانە ءۇرجار اۋداندارىنداعى الەۋمەتتىك جاعىنان از قامتىلعان جاندارعا  تاراتىلدى.

ءيا “ءبىز بىرگەمىز” اكسياسىنىڭ ايماقتاردا دا جۇيەلى جالعاسىن تابۋى، وسىنداي جۇرەگى كەڭ جومارت جانداردىڭ ارقاسىندا ىسكە اسىپ جاتقان بولار.

قيىن-قىستاۋ كەزدە جۇدىرىق بولىپ جۇمىلىپ، بىر-بىرىمىزگە قولداۋ كورسەتۋ اسا ماڭىزدى ەكەنى ءسوزسىز.



بۇگىندە مەسەناتتاردىڭ قولداۋىمەن «بىرگەمىز» قورىنا 18 مييليارد 899 ميلليون تەڭگە قارجى جينالدى.

سونىمەن قاتار 7 ميلليارد 600 ميليوننان استام تەڭگە وبلىستارمەن رەسپۋبليكالىق ماڭىزى بار قالا تۇرعىندارىنىڭ 150 مىڭنان اسا وسال توپتارىنا 50 مىڭ تەڭگەدەن بەرىلدى.

قۋانىش راحمەتوللا ۇلى،

سەمەي قالاسى

https://dalanews.kz/52216