Dástúrli qundylyqtar – rýhani dińgegimiz
Oblys turǵyndarynyń mádeni jáne rýhani sezimderin qalyptastyrý, destrýktivti dini aǵym jaqtastaryn qazaqstandyq qoǵam qundylyqtaryna beiimdeý jáne memleket pen din arasyndaǵy zaiyrlylyq ustanymy boiynsha halyqty jan-jaqty aqparattandyrý maqsatynda ótken kezdesýge oblys ákimdiginiń jaýapty qyzmetkerleri, qoǵamdyq uiym músheleri men máslihat depýtattary, imamdar, aýyl turǵyndary men jastar ókilderi qatysty.
Áńgime-suhbat túrinde erkin formatta ótken jiyndy aýdan ákiminiń orynbasary Bekzat Álmaǵanbet ashyp, júrgizip, Elbasymyz Nursultan Nazarbaev jýyrda jariialanǵan «Uly dalanyń jeti qyry» atty maqalasy men dástúrli Joldaýlaryn qysqasha baiandady.
Óz sózinde: «Uly dalanyń jeti qyry» maqalasynda «Keńistik – barlyq nárseniń, al ýaqyt – búkil oqiǵanyń ólshemi. Ýaqyt pen keńistiktiń kókjiegi toǵysqan kezde ult tarihy bastalady» dep kórsetken Ult Kóshbasshysy tereń mazmundy, taǵylymy mol maqalasy arqyly qalyń buqarany bir serpiltip tastady. Tylsym tarihtyń jeti qyryna toqtalyp, ótkeni¬mizdi tarih tuǵyrynan baǵamdap, tereń zer¬deleýge, onyń kúrmeýli túiinin sheshýge múmkindik týǵanyn jetkizip, salt-dástúrimizdi jańǵyrtyp, týra jolǵa bastaǵan dinimizdi, dilimizdi, mádenietimizdi qurmetpen qaraýǵa shaqyrdy.
Munan soń kópshilik ulttyq qundylyqtarymyz ben dástúrli dinimiz jóninde arnaiy daiyndalǵan beinerolikti tamashalady. Otyrys barysynda oblystyq din máselelerin zertteý ortalyǵy direktorynyń orynbasary Mádi Ábzelbekuly, atalmysh mekemeniń bólim basshysy Faizýlla Taiteliev, Túrkistan oblystyq halyq shyǵarmashylyǵy ortalyǵynyń bólim meńgerýshisi Sholpan Mamythanova jáne aýdandyq qoǵamdyq keńestiń tóraǵasy Qabylbek Espenbetovter babalardan miras bolyp qalǵan dástúrli qundylyqtarymyz ben asyl dinimiz islam jóninde mańyzdy oilary men qundy pikirlerin ortaǵa saldy.
Bir-birimen emin-erkin pikir almasqan kóshpeli otyrysqa qatysýshylar óz oilaryn búkpesiz ortaǵa salyp, jiynnan mol maǵlumat aldy.
Jiyndy qorytyndylaǵan aýdan ákiminiń orynbasary Bekzat Álmaǵanbet ár otbasynyń basty maqsaty baqytty ǵumyr keshý. Baqytty otbasyn qurý birinshi kezekte jas jubailardyń tárbieliligine tikelei bailanysty ekendigin aita kele, «Uiada ne kórseń, ushqanda sony ilesiń»,-dep dana halqymyzdyń tárbieli qundylyqtarynyń mańyzdylyǵyna erekshe toqtaldy.
Memlekettiń basty mindeti men maqsaty da osy dástúrli qundylyqtarymyzdy saqtap, keler urpaqqa durys jol kórsetý maqsatynda ótken izgilikti is-shara qonaqtaryna kópshilik atynan alǵys bildirdi.
Dalanews.kz
