وبلىس تۇرعىندارىنىڭ مادەني جانە رۋحاني سەزىمدەرىن قالىپتاستىرۋ، دەسترۋكتيۆتى ءدىني اعىم جاقتاستارىن قازاقستاندىق قوعام قۇندىلىقتارىنا بەيىمدەۋ جانە مەملەكەت پەن ءدىن اراسىنداعى زايىرلىلىق ۇستانىمى بويىنشا حالىقتى جان-جاقتى اقپاراتتاندىرۋ ماقساتىندا وتكەن كەزدەسۋگە وبلىس اكىمدىگىنىڭ جاۋاپتى قىزمەتكەرلەرى، قوعامدىق ۇيىم مۇشەلەرى مەن ءماسليحات دەپۋتاتتارى، يمامدار، اۋىل تۇرعىندارى مەن جاستار وكىلدەرى قاتىستى.
اڭگىمە-سۇحبات تۇرىندە ەركىن فورماتتا وتكەن جيىندى اۋدان اكىمىنىڭ ورىنباسارى بەكزات الماعانبەت اشىپ، جۇرگىزىپ، ەلباسىمىز نۇرسۇلتان نازاربايەۆ جۋىردا جاريالانعان «ۇلى دالانىڭ جەتى قىرى» اتتى ماقالاسى مەن ءداستۇرلى جولداۋلارىن قىسقاشا باياندادى.
ءوز سوزىندە: «ۇلى دالانىڭ جەتى قىرى» ماقالاسىندا «كەڭىستىك – بارلىق نارسەنىڭ، ال ۋاقىت – بۇكىل وقيعانىڭ ولشەمى. ۋاقىت پەن كەڭىستىكتىڭ كوكجيەگى توعىسقان كەزدە ۇلت تاريحى باستالادى» دەپ كورسەتكەن ۇلت كوشباسشىسى تەرەڭ مازمۇندى، تاعىلىمى مول ماقالاسى ارقىلى قالىڭ بۇقارانى ءبىر سەرپىلتىپ تاستادى. تىلسىم تاريحتىڭ جەتى قىرىنا توقتالىپ، وتكەنى¬ءمىزدى تاريح تۇعىرىنان باعامداپ، تەرەڭ زەر¬دەلەۋگە، ونىڭ كۇرمەۋلى ءتۇيىنىن شەشۋگە مۇمكىندىك تۋعانىن جەتكىزىپ، ءسالت-داستۇرىمىزدى جاڭعىرتىپ، تۋرا جولعا باستاعان ءدىنىمىزدى، ءدىلىمىزدى، مادەنيەتىمىزدى قۇرمەتپەن قاراۋعا شاقىردى.
مۇنان سوڭ كوپشىلىك ۇلتتىق قۇندىلىقتارىمىز بەن ءداستۇرلى ءدىنىمىز جونىندە ارنايى دايىندالعان بەينەروليكتى تاماشالادى. وتىرىس بارىسىندا وبلىستىق ءدىن ماسەلەلەرىن زەرتتەۋ ورتالىعى ديرەكتورىنىڭ ورىنباسارى ءمادي ابزەلبەك ۇلى، اتالمىش مەكەمەنىڭ ءبولىم باسشىسى فايزۋللا تايتەلييەۆ، تۇركىستان وبلىستىق حالىق شىعارماشىلىعى ورتالىعىنىڭ ءبولىم مەڭگەرۋشىسى شولپان مامىتحانوۆا جانە اۋداندىق قوعامدىق كەڭەستىڭ ءتوراعاسى قابىلبەك ەسپەنبەتوۆتەر بابالاردان ميراس بولىپ قالعان ءداستۇرلى قۇندىلىقتارىمىز بەن اسىل ءدىنىمىز يسلام جونىندە ماڭىزدى ويلارى مەن قۇندى پىكىرلەرىن ورتاعا سالدى.
بىر-بىرىمەن ەمىن-ەركىن پىكىر الماسقان كوشپەلى وتىرىسقا قاتىسۋشىلار ءوز ويلارىن بۇكپەسىز ورتاعا سالىپ، جيىننان مول ماعلۇمات الدى.
جيىندى قورىتىندىلاعان اۋدان اكىمىنىڭ ورىنباسارى بەكزات الماعانبەت ءار وتباسىنىڭ باستى ماقساتى باقىتتى عۇمىر كەشۋ. باقىتتى وتباسىن قۇرۋ ءبىرىنشى كەزەكتە جاس جۇبايلاردىڭ تاربيەلىلىگىنە تىكەلەي بايلانىستى ەكەندىگىن ايتا كەلە، «ۇيادا نە كورسەڭ، ۇشقاندا سونى ىلەسىڭ»،-دەپ دانا حالقىمىزدىڭ تاربيەلى قۇندىلىقتارىنىڭ ماڭىزدىلىعىنا ەرەكشە توقتالدى.
مەملەكەتتىڭ باستى مىندەتى مەن ماقساتى دا وسى ءداستۇرلى قۇندىلىقتارىمىزدى ساقتاپ، كەلەر ۇرپاققا دۇرىس جول كورسەتۋ ماقساتىندا وتكەن ىزگىلىكتى ءىس-شارا قوناقتارىنا كوپشىلىك اتىنان العىس ءبىلدىردى.
Dalanews.kz
