«Bizdiń qoǵamnyń eń osal bóligi – jaqyn adamdarynyń qamqorlyǵynsyz qalǵan balalar men qarttar. Sondyqtan, qor Nur-Sultan men Almatydaǵy balalar úileri men qarttar úilerine basty nazar aýdarady. Atalǵan mekemelerdegi eki myńǵa jýyq adam eń qajetti jeke qorǵanys quraldarymen qamtamasyz etiledi» delingen qordyń habarlamasynda.
Bul mekemelerdiń qyzmetkerleri men ondaǵy adamdar úshin meditsinalyq maskalar, sanitarlyq tazartqyshtar satyp alynady. Balalar úii men qarttar úiindegilerdiń immýnitetin kúsheitý úshin, virýsologtar aǵzanyń infektsiialarǵa tótep berý múmkindigin arttyrady dep kórsetken polivitaminder men túrli qosymsha baiytylǵan taǵamdardy berý týraly sheshim qabyldandy. Berilgen barlyq taýarlar sertifikattalǵan.
Sonymen qatar, koronavirýspen aýyratyndarǵa shuǵyl qajet bolatyn eki statsionarlyq jasandy tynys alý apparaty satyp alyndy. MINDRAY – meditsinalyq jabdyq óndirýshi jetekshi kompaniiasynyń biri. Onyń SV 300 jasandy tynys alý apparaty álemdegi eń iri klinikalar da paidalanady. Dál osy apparattar Qytaidaǵy naýqastardyń kópshiliginiń saýyǵýynda basty ról atqardy.
«Asar-Bereke» qoǵamdyq qorymen birlese otyryp, «Degdar» qory jyljymaly meditsinalyq keshenderdi Almaty densaýlyq saqtaý basqarmasyna tapsyrady. Onymen jumys isteitin qyzmetkerlerdi qordyń uzaq merzimdi seriktesi – Qazaqstan-Resei meditsinalyq ýniversiteti qamtamasyz etedi. Bul – elimizdiń kóptegen aimaqtarynda, sonyń ishinde Arys qalasynda tótenshe jaǵdailar kezinde adamdardy qutqarǵan kásibi mamandar toby, dep atap ótti qordaǵylar.
