Dariǵa Nazarbaevanyń aitýynsha, kórsetkishterge umtylý ákimderdi málimetterge kórsetkishti qosyp jazýǵa májbúr etip otyr.
"Óitkeni olardyń oryndyǵynda "otyrýy" osyǵan bailanysty bolýda. Aýyl sharýashylyǵynyń bári jeke menshikte ári ónim óndirýshiler de jeke adamdar bolǵanda – bul tańqalarlyq jaǵdai.
Biz josparly ekonomikadan bas tarttyq. Endeshe ákimdikter nege tsifrlardy oidan shyǵarýǵa májbúr bolyp otyr?!
Sondyqtan ádis-tásilderdi ózgertý kerek", - dedi Dariǵa Nazarbaeva.
Dariǵa Nazarbaevanyń pikirinshe, biýdjettik baǵdarlamalardy júzege asyrý barysyndaǵy memlekettik satyp alý kezinde ájeptáýir problemalar týyndaidy.
"Bastapqy ideia jaqsy boldy. Ol biýdjet qarajatyn jymqyrýdy qysqartýǵa, sybailas jemqorlyq deńgeiin tómendetýge jáne memlekettik tapsyrysty júzege asyrý kezindegi ashyqtyqqa baǵyttalǵan. Qaǵaz júzinde bári jaqsy boldy. Zańdar da qabyldandy, qanshama túzetýler engizildi. Áitse de, osynyń bári jumys istemei otyr", - dedi Senat Tóraǵasy.
