Almaty ákimi Darhan Satybaldy aldaǵy jylytý maýsymyna daiyndyq jóninde jumys keńesin ótkizdi. Jiyn barysynda qala basqarmalary, kommýnaldyq qyzmetter men merdiger uiymdardyń basshylary atqarylǵan jumystar men injenerlik infraqurylym nysandaryn jańǵyrtý jáne salý jóninde esep berdi, – dep habarlaidy Dalanews.kz
Biyl 39 shaqyrym jylý jelilerin, 238 shaqyrym elektr jelilerin, 260 shaqyrym sý qubyryn jáne 34,7 shaqyrym gaz jelisin qaita jańartý josparlanǵan. Sonymen qatar, 2025 jyly 347 shaqyrym sý jáne káriz jelilerin salý jáne jańǵyrtý, sondai-aq, 69 qazandyqty jóndeý jáne 16 qazandyqty jańǵyrtý josparlanǵan. Bul jumystar aiasynda 12 qazan, 47 mehanizm, 11 syiymdylyq jáne gaz jabdyqtary aýystyrylady.
Keńeste injenerlik jelilerdiń qazirgi jaǵdaiyna qatysty derekter usynyldy: tozý deńgeii – jylý jelilerinde 56,1%, elektrmen jabdyqtaýda 64,5%, sýmen jabdyqtaýda 51,73%, gazda 36%. Qala ákimi injenerlik infraqurylymdy jańartý boiynsha júieli jumystyń mańyzdylyǵyn atap ótti.
«Men kún saiyn jylytý maýsymyna daiyndyq barysy týraly málimet alyp otyramyn. Eger qandai da bir kesheýildeý bolsa, dereý shara qoldanamyz. Magistraldyq jeliler men energetikalyq jobalardy jańǵyrtý boiynsha kelisimsharttar jasalǵan, qarjylandyrý qamtamasyz etilgen, jumys júrgizilip jatyr. Baqylaýdy bosańsytýǵa bolmaidy, ásirese, turǵyn sektor men áleýmettik nysandardyń daiyndyǵyna erekshe nazar aýdarý qajet», – dedi Darhan Satybaldy.
Keńesten keiin Darhan Satybaldy qalanyń birqatar mańyzdy infraqurylymdyq nysanyn aralady. Qalanyń negizgi energiia kózderiniń biri – JEO-2-de ol energetikalyq jáne qosalqy jabdyqtarǵa júrgizilip jatqan aýqymdy jóndeý jumystarymen tanysty. Jańǵyrtý jobasy ekologiialyq jáne energetikalyq turaqtylyqty arttyrýǵa baǵyttalǵan. Elektr qýatyn 557 MVt-qa, jylý qýatyn 952 Gkal/saǵ deiin arttyryp, ziiandy zattar shyǵaryndylaryn 93%-ǵa, al kómirtek izi 38%-ǵa tómendetý kózdelýde.
«JEO-2-ni jańǵyrtý – eń mańyzdy mindetterdiń biri. Bul qalanyń ekologiialyq turaqtylyǵy men jaily ómir súrý ortasyn qamtamasyz etetin strategiialyq joba. Ekologiialyq kórsetkishterdi jaqsartý Almatynyń damýyna qosylǵan mańyzdy úles», – dedi Darhan Satybaldy.
Qala ákimine qada qaǵý jumystarynyń 47%-y oryndalǵany, irgetas quiý men qurylymdardy ornatý jumystary jalǵasyp jatqany, negizgi jabdyq jetkizilip jatqandyǵy týraly baiandaldy. Sonymen qatar, qysqy maýsymǵa daiyndyq aiasynda jóndeý jumystary júrgizilýde: 56-syn jóndeý josparda bolsa, sonyń 36%-y bitken.
Qala ákimi «Orbita» aýdandyq qazandyǵyn da baryp kórdi. Bul qazandyq ońtústik aýdandardy – Orbita 1-4, Almagúl shaǵyn aýdandaryn jáne Asqarov kóshesin jylý jáne ystyq sýmen qamtamasyz etedi. Munda kólemi 2000 m³ úsh akkýmýliatorlyq bak ornatylýda. Eki bak paidalanýǵa berildi, úshinshisi ornatylyp jatyr. Joba eń joǵary tutyný kezinde de jylý júktemesin teńestirýge jáne jylýmen qamtýdyń turaqtylyǵyn arttyrýǵa múmkindik beredi.
Bostandyq aýdanynda qala ákimi 1972 jyly paidalanýǵa berilgen «Ońtústik» qazandyǵyn keńeitý jumystarynyń barysymen tanysty. Qýaty 190 Gkal/saǵ bul qazandyq 356 kópqabatty turǵyn úi men 39 áleýmettik nysandy jylýmen qamtidy. Qýatyn 290 Gkal/saǵ deiin arttyrý jobasy arqyly qalanyń ońtústik bóligindegi qosymsha 100 myńǵa jýyq turǵyndy ortalyqtandyrylǵan jylýmen qamtamasyz etý kózdelgen.
Jobada jańa qazandyq tsehynyń qurylysy, zamanaýi sýqyzdyrǵysh qazandyqtar men qosalqy jabdyqtardy – rezervýarlar, tazartý qurylǵylary jáne órt sóndirý júiesin ornatý qarastyrylǵan. Qala ákimi jobanyń merziminde oryndalýyn qamtamasyz etip, jylytý maýsymy bastalǵanǵa deiin barlyq daiyndyq jumysty aiaqtaýdy tapsyrdy.
Buqar Jyraý – Masanchi – Ǵabdýllin – Baitursynov – Sátbaev kósheleri aýmaǵynda 1983 jyly paidalanýǵa berilgen jylý trassasy qaita jańǵyrtylyp jatyr. Bul jeli 220-dan astam nysandy – turǵyn úilerdi, mektepter men meditsina mekemelerin jylýmen qamtamasyz etedi. Biyl 1,5 shaqyrym qubyr aýystyrý josparlanǵan. Qala ákimine bul jumystardyń eki jylǵa josparlanǵany jáne 2026 jylǵa ótetini habarlandy. Jańǵyrtý kezinde ystyq sý berý toqtatylmaidy.
Jumys sapary qorytyndysy boiynsha Darhan Satybaldy jylytý maýsymy bastalǵanǵa deiin barlyq negizgi jumysty aiaqtaýdy, ásirese mektep, balabaqsha men aýrýhana syndy áleýmettik nysandarǵa erekshe nazar aýdarýdy tapsyrdy. Qysqy maýsymǵa daiyndyqtyń sońǵy merzimi – 31 tamyz. Darhan Satybaldy jobalardyń sapasy men merziminiń oryndalýyna turaqty baqylaý bolatynyn jáne infraqurylymdy jańǵyrtý sharalary ákimdik qyzmetiniń basym baǵyty bolyp qala beretinin atap ótti.
