Darhan Satybaldy kelgennen keiin Almatyny basqarý shemasy ózgerdi, - dep habarlaidy Dalanews.kz.
Almaty ákimi Darhan Satybaldynyń qatysýymen qalalyq máslihattyń kezekten tys XXXII sessiiasy ótti.
Sessiia aiasynda depýtattar birqatar mańyzdy sheshimdi qarap, qoldady. Sonyń ishinde qalany basqarýdyń jańartylǵan shemasy bekitildi. Ózgerister ákimshilik qurylymnyń tiimdiligin arttyrýǵa jáne Úkimet bekitken bazalyq qurylymǵa sáikestendirýge baǵyttalǵan. Atap aitqanda:
- ekonomika basqarmasy men Qarjy basqarmasy biriktirilip, Ekonomika jáne qarjy basqarmasy bolyp quryldy;
- qoǵamdyq damý basqarmasy Ishki saiasat basqarmasy bolyp qaita ataldy;
- qalalyq josparlaý jáne ýrbanistika basqarmasy Sáýlet jáne qala qurylysy basqarmasy bolyp ózgertildi;
- seismikalyq qaýipsizdik jáne mobilizatsiialyq daiyndyq basqarmasy Mobilizatsiialyq daiyndyq, aýmaqtyq jáne azamattyq qorǵanys basqarmasy bolyp qaita quryldy;
- kommýnaldyq infraqurylymdy damytý basqarmasy Kommýnaldyq infraqurylym jáne turǵyn úi inspektsiiasy basqarmasy bolyp ataldy.
Jol-kólik salasyn qaita uiymdastyrýǵa erekshe nazar aýdaryldy. Qalalyq mobildilik basqarmasy eki derbes organǵa bólinedi. Olar:
- jol qozǵalysyn uiymdastyrý jáne jolaýshylar kóligi basqarmasy – qoǵamdyq kólikti, parking keńistigin, baǵdarsham nysandaryn, jol tańbalary men belgilerin retteý fýnktsiialaryn oryndaidy;
- jol infraqurylymyn damytý basqarmasy – jol jelisin, kólik toraby nysandaryn (TPÝ), metro, LRT, BRT jáne aialdama keshenderin salý men damytýǵa jaýapty.
