Qurylysty ýaqtyly ári sapaly aiaqtaý jóninde tapsyrma berdi. Bazar iesi men kásipkerlermen kezdesip, ákimdik tarapynan qoldaý bolatynyn aitty. Olardyń usynys-pikirlerin tyńdady.
Kezdesýde ózekti máseleler qozǵaldy. Jeke nysandaǵy órtten keiin 400 adamǵa 700 mln teńge bólingen. Saýdagerler qosymsha qarajat surady. Másele qarastyrylady.
Jańa saýda ortalyǵy jaqyn kúnderi jumysyn bastaidy. Saýda orny jumysyn qaita bastaǵan soń ondaǵy kásipkerler saýda orynyn 1 jyl tegin paidalanady.
Sondai-aq salyq organdarymen birlesip, salyq tóleý máselesi de qarastyryldy. Budan ózge bankter jáne kredittik uiymdarmen kásipkerlerdiń nesiesin tóleýde kem degende bir jylǵa kanikýl alýǵa kelissóz júrgizildi. Kezdesýde saýdagerler 160 adamǵa qosymsha kómek surady.
– Qosymsha kómek máselesin sheshýge kúsh salamyz. Basty másele – zardap shekkender kómeksiz qalǵan joq. Qosymsha taǵy kómek bolady. Bul jaǵyn zań aiasynda qarastyryp kóremiz. Jalpy, jekemenshik kásipkerlerdiń sharýasyna ákimdik aralasa almaidy. Biraq soǵan qaramastan, turǵyndar tabasynan airylmaý úshin, barynsha qoldaý kórsetilip jatyr. Buǵan sizder túsinistikpen qaraýlaryńyz kerek, – dedi oblys ákimi.
Zardap shekken kásipkerlerdiń basym bóligi basqa saýda oryndaryna ýaqytsha ornalastyrylǵan. Órttiń shyǵý sebebin anyqtaý boiynsha tergeý jalǵasýda.
Budan keiin oblys ákimi Darhan Satybaldy aimaqty damytý baǵytyndaǵy jumystardy qadaǵalady. Ol aýdandaǵy birneshe kásiporyn men nysandy aralap, jergilikti basshylarǵa memlekettik baǵdarlamalardyń múmkindigi men igilikterin turǵyndarǵa túsindirýdi, olarǵa kómektesýdi tapsyrdy. Jańa jobalardy júzege asyrý qajettigin aitty.
Sapar barysynda oblys ákimi Jetisai aýdany, Jańa aýyl aýyldyq okrýginiń Yntymaq eldi mekeninde ornalasqan meditsina ortalyǵynda boldy. «Qydyr ata» meditsinalyq ortalyǵy kúnine 100 azamatqa deiin qyzmet kórsetedi.
