قۇرىلىستى ۋاقتىلى ءارى ساپالى اياقتاۋ جونىندە تاپسىرما بەردى. بازار يەسى مەن كاسىپكەرلەرمەن كەزدەسىپ، اكىمدىك تاراپىنان قولداۋ بولاتىنىن ايتتى. ولاردىڭ ۇسىنىس-پىكىرلەرىن تىڭدادى.
كەزدەسۋدە وزەكتى ماسەلەلەر قوزعالدى. جەكە نىسانداعى ورتتەن كەيىن 400 ادامعا 700 ملن تەڭگە بولىنگەن. ساۋداگەرلەر قوسىمشا قاراجات سۇرادى. ماسەلە قاراستىرىلادى.
جاڭا ساۋدا ورتالىعى جاقىن كۇندەرى جۇمىسىن باستايدى. ساۋدا ورنى جۇمىسىن قايتا باستاعان سوڭ ونداعى كاسىپكەرلەر ساۋدا ورىنىن 1 جىل تەگىن پايدالانادى.
سونداي-اق سالىق ورگاندارىمەن بىرلەسىپ، سالىق تولەۋ ماسەلەسى دە قاراستىرىلدى. بۇدان وزگە بانكتەر جانە كرەديتتىك ۇيىمدارمەن كاسىپكەرلەردىڭ نەسيەسىن تولەۋدە كەم دەگەندە ءبىر جىلعا كانيكۋل الۋعا كەلىسسوز جۇرگىزىلدى. كەزدەسۋدە ساۋداگەرلەر 160 ادامعا قوسىمشا كومەك سۇرادى.
– قوسىمشا كومەك ماسەلەسىن شەشۋگە كۇش سالامىز. باستى ماسەلە – زارداپ شەككەندەر كومەكسىز قالعان جوق. قوسىمشا تاعى كومەك بولادى. بۇل جاعىن زاڭ اياسىندا قاراستىرىپ كورەمىز. جالپى، جەكەمەنشىك كاسىپكەرلەردىڭ شارۋاسىنا اكىمدىك ارالاسا المايدى. ءبىراق سوعان قاراماستان، تۇرعىندار تاباسىنان ايرىلماۋ ءۇشىن، بارىنشا قولداۋ كورسەتىلىپ جاتىر. بۇعان سىزدەر تۇسىنىستىكپەن قاراۋلارىڭىز كەرەك، – دەدى وبلىس اكىمى.
زارداپ شەككەن كاسىپكەرلەردىڭ باسىم بولىگى باسقا ساۋدا ورىندارىنا ۋاقىتشا ورنالاستىرىلعان. ءورتتىڭ شىعۋ سەبەبىن انىقتاۋ بويىنشا تەرگەۋ جالعاسۋدا.
بۇدان كەيىن وبلىس اكىمى دارحان ساتىبالدى ايماقتى دامىتۋ باعىتىنداعى جۇمىستاردى قاداعالادى. ول اۋدانداعى بىرنەشە كاسىپورىن مەن نىساندى ارالاپ، جەرگىلىكتى باسشىلارعا مەملەكەتتىك باعدارلامالاردىڭ مۇمكىندىگى مەن يگىلىكتەرىن تۇرعىندارعا ءتۇسىندىرۋدى، ولارعا كومەكتەسۋدى تاپسىردى. جاڭا جوبالاردى جۇزەگە اسىرۋ قاجەتتىگىن ايتتى.
– ەلدى مەكەندەردىڭ الەۋمەتتىك ينفراقۇرىلىمىن رەتتەستىرۋمەن بىرگە، اۋىل تۇرعىندارىن جۇمىسپەن قامتۋ، تابىس كوزىن قالىپتاستىرۋ قاتار ءجۇرۋى كەرەك. بۇل باعىتتاعى جۇمىستارعا باسىمدىق بەرىلەدى. وسى ەكى باعىتتى بىر-بىرىنەن بولۋگە بولمايدى، – دەدى وبلىس اكىمى.
ساپار بارىسىندا وبلىس اكىمى جەتىساي اۋدانى، جاڭا اۋىل اۋىلدىق وكرۋگىنىڭ ىنتىماق ەلدى مەكەنىندە ورنالاسقان مەديسينا ورتالىعىندا بولدى. «قىدىر اتا» مەديسينالىق ورتالىعى كۇنىنە 100 ازاماتقا دەيىن قىزمەت كورسەتەدى.
