Májilis meditsina qyzmetkerlerine shabýyl jasaǵany úshin jazany qatańdatý týraly zańdy qabyldady, dep habarlaidy Dalanews.kz.
Qazaqstanda meditsina qyzmetkerlerine shabýyl jasaǵany úshin qylmystyq jaýapkershilik engiziledi. Tiisti zańdy Májilis qabyldady.
Qujatta mynadai normalar qarastyrylǵan:
-
Qylmystyq kodekske meditsina qyzmetkerleri men jedel járdem júrgizýshilerine qatysty kúsh qoldaný áreketteri úshin jaýapkershilik belgileitin jańa bap engizý;
-
Qylmystyń aýyrlyǵyna qarai jaza túrlerin aiqyndaý: aiyppuldan bastap bas bostandyǵynan aiyrýǵa deiin;
-
Meditsina qyzmetkerlerine kúsh qoldanamyn dep qorqytý faktileri úshin bólek qylmystyq jaýapkershilik belgileý jáne oǵan jeńilirek sanktsiialar qarastyrý;
-
Qylmystyq-protsestik kodekste osy sanattaǵy ister boiynsha aldyn ala tergeý men anyqtaýdy júrgizý quzyretin ishki ister organdaryna bekitý.
Qabyldanǵan zań Senattyń qaraýyna joldandy.
