Ústeme aqy tóleý úshin Nur-Sultan qalasy boiynsha Meditsinalyq saqtandyrý qorynan 4,3 mlrd teńge bólindi. Qor qarjy operatory retinde meditsina qyzmetkerleriniń naýryzdan maýsym aiy aralyǵynda jalaqysyna qosymsha 32 mlrd astam teńge tóledi.
Meditsinalyq saqtandyrý qorynyń Nur-Sultan qalasy boiynsha filialy qaýipti jaǵdaida jumys isteitin dárigerler men meditsina qyzmetkerleriniń sany ai saiyn artyp kele jatqanyn habarlady.
Eger naýryz aiynda ústeme aqyny 1,8 myńnan astam qyzmetker alsa, mamyr aiynda olardyń sany 2,4 myń adamǵa deiin ósti. Endi ÁMSQ maýsym aiyna tólem jasaidy.
Koronavirýs boiynsha epidemiiaǵa qarsy is-sharalarǵa tartylǵan meditsina qyzmetkerlerin yntalandyrý jáne kótermeleý úshin jalaqyǵa ústemeaqy qarastyrylǵan.
Densaýlyq saqtaý ministrliginiń buiryǵymen táýekel toptar, alýshylardyń tizimin qalyptastyrý tártibi jáne tólemder mólsheri anyqtaldy. Táýekel tobyna bailanysty meditsina qyzmetkerlerine 212 myń teńgeden (5 AEK) 850 myń teńgege deiin (20 AEK) qosymsha aqy berildi.
Esterińizge sala keteiik, ústemeaqy alýshylar tizimin jedel shtab janynan qurylǵan óńirlik komissiia jasaqtaidy. Komissiia tóraǵasy ákimderdiń orynbasarlary, sondai-aq, onyń quramyna Meditsinalyq saqtandyrý qory filialdarynyń qyzmetkerleri, óńirlik memlekettik bas sanitarlyq dáriger, Densaýlyq saqtaý basqarmalarynyń, úkimettik emes uiymdardyń ókilderi kiredi.
Al, Meditsinalyq saqtandyrý qory tizim boiynsha derekterdiń Densaýlyq saqtaý ministriniń «COVID-19 koronavirýspen kúres sheńberinde epidemiiaǵa qarsy is-sharalarǵa tartylǵan densaýlyq saqtaý uiymdarynyń qyzmetkerlerin qarjylyq qoldaýdaǵy keibir máseleler týraly» buiryǵyna sáikestigin tekseredi.
Eger meditsinalyq qyzmetkerlerinde ústeme aqyǵa qatysty suraqtar týyndasa, óńirlik komissiiaǵa júginýi qajet.
Koronavirýqa shaldyqqan meditsina qyzmetkerlerine qosymsha qarjyny Qazaqstan Respýblikasy Eńbek jáne halyqty áleýmettik qorǵaý ministrligi óńirlik komissiia sheshimi negizindegi Densaýlyq saqtaý basqarmalarynyń ótinishi boinysha tóleidi.
