Talǵar aýdandyq ortalyq aýrýhanasy basshylyǵy joǵary qysymmen aýrýhanaǵa túsken saiasatker ári qoǵam qairatkeri Rysbek Sársenbaiulynyń jaǵdaiy týraly aitty, dep habarlaidy Dalanews.kz.
Dárigerler qoǵam qairatkeriniń qazirgi tańda jaǵdaiy turaqty ekenin jetkizdi.
"Talǵar aýdandyq ortalyq aýrýhanasynyń ákimshiligi áleýmettik jelide tarap jatqan aqparattarǵa jaýap retinde 2024 jylǵy 9 naýryzda Rysbek Sársenbaiulynyń meditsinalyq kómekke júginý faktisin rastaidy.
Naýqas qan qysymynyń joǵarylaýy týraly shaǵymmen júgindi. Diagnostika jáne emdeý hattamasyna sáikes qajetti meditsinalyq kómek kórsetildi.
Qan qysymy turaqtaldy. Naýqas ambýlatoriialyq emdelýge jiberildi", - delingen habarlamada.
Eske salaiyq, buǵan deiin Rysbek Sársenbaiuly Qazaqstandaǵy saiasi tutqyndarmen jaǵdaidy talqylaý úshin konferentsiiaǵa BAQ ókilderin, jýrnalister men blogerlerdi shaqyrǵan bolatyn. Saiasi tapsyryspen óltirilgen oppozitsiia jetekshisi Altynbek Sársenbaevtyń aǵasy saiasi taqyrypta baspasóz máslihatyn ótkizbes buryn Talǵar aýdandyq politsiia basshysy ony “sóilesýge” shaqyrǵan. Keiin onyń qamaýǵa alynǵany týraly aqparat rastaldy. Al sodan soń saiasatkerdiń aýrýhanaǵa jetkizilgeni, tipti onyń jansaqtaý bólimine jatqyzylǵany belgili boldy.
