تالعار اۋداندىق ورتالىق اۋرۋحاناسى باسشىلىعى جوعارى قىسىممەن اۋرۋحاناعا تۇسكەن ساياساتكەر ءارى قوعام قايراتكەرى رىسبەك سارسەنباي ۇلىنىڭ جاعدايى تۋرالى ايتتى، دەپ حابارلايدى Dalanews.kz.
دارىگەرلەر قوعام قايراتكەرىنىڭ قازىرگى تاڭدا جاعدايى تۇراقتى ەكەنىن جەتكىزدى.
"تالعار اۋداندىق ورتالىق اۋرۋحاناسىنىڭ اكىمشىلىگى الەۋمەتتىك جەلىدە تاراپ جاتقان اقپاراتتارعا جاۋاپ رەتىندە 2024 جىلعى 9 ناۋرىزدا رىسبەك سارسەنباي ۇلىنىڭ مەديسينالىق كومەككە جۇگىنۋ فاكتىسىن راستايدى.
ناۋقاس قان قىسىمىنىڭ جوعارىلاۋى تۋرالى شاعىممەن جۇگىندى. دياگنوستيكا جانە ەمدەۋ حاتتاماسىنا سايكەس قاجەتتى مەديسينالىق كومەك كورسەتىلدى.
قان قىسىمى تۇراقتالدى. ناۋقاس امبۋلاتوريالىق ەمدەلۋگە جىبەرىلدى"، - دەلىنگەن حابارلامادا.
ەسكە سالايىق، بۇعان دەيىن رىسبەك سارسەنباي ۇلى قازاقستانداعى ساياسي تۇتقىندارمەن جاعدايدى تالقىلاۋ ءۇشىن كونفەرەنسياعا ب ا ق وكىلدەرىن، جۋرناليستەر مەن بلوگەرلەردى شاقىرعان بولاتىن. ساياسي تاپسىرىسپەن ولتىرىلگەن وپپوزيسيا جەتەكشىسى التىنبەك سارسەنبايەۆتىڭ اعاسى ساياسي تاقىرىپتا باسپا ءسوز ءماسليحاتىن وتكىزبەس بۇرىن تالعار اۋداندىق پوليسيا باسشىسى ونى “سويلەسۋگە” شاقىرعان. كەيىن ونىڭ قاماۋعا الىنعانى تۋرالى اقپارات راستالدى. ال سودان سوڭ ساياساتكەردىڭ اۋرۋحاناعا جەتكىزىلگەنى، ءتىپتى ونىڭ جانساقتاۋ بولىمىنە جاتقىزىلعانى بەلگىلى بولدى.
