Almaty qalasy Qoǵamdyq densaýlyq saqtaý basqarmasy fýtbolshy aýrýhanaǵa qandai jaǵdaida túskenin aitty, dep habarlaidy Dalanews.kz.
Almaty Ortalyq qalalyq klinikalyq aýrýhanasynyń qabyldaý bólimshesine 2006 jyly týǵan jas fýtbolshy klinikalyq ólim jaǵdaiynda jetkizilgen. Ony oqiǵa ornynda kezekshilik atqarǵan jeke meditsinalyq jedel járdem brigadasy alyp kelgen.
Qabyldaý kezinde patsienttiń tamyr soǵysy men arteriialyq qysymy bolmaǵan, qarashyqtary keńeigen. Meditsinalyq brigada 30 minýt boiy reanimatsiialyq sharalar júrgizgenimen, barlyq qoldanylǵan sharaǵa qaramastan, ómirlik belgilerdi qalpyna keltirý múmkin bolmady. Biologiialyq ólim tirkeldi.
Marqumnyń denesi ólimniń naqty sebebin anyqtaý úshin sot-meditsinalyq saraptamaǵa jiberildi.
Eske salaiyq, 16 qazanda "Han táńiri" men Ekibastuz fýtbol klýbtary arasyndaǵy oiyn kezinde 19 jastaǵy fýtbolshy Dias Tóleý kenetten qaitys boldy.
Qazaqstannyń birinshi ligasynda óner kórsetetin almatylyq klýb oiynshysy kezdesý barysynda jaraqat alyp, keiinnen qaza boldy. Qaiǵyly oqiǵa týraly "Han táńiri" fýtbol klýby da resmi habarlap, Diastyń jaqyndaryna kóńil aitty.
8 nomerde oinaǵan Dias Tóleý "Qairat" fýtbol klýby akademiiasynyń tálimgeri.
