الماتى قالاسى قوعامدىق دەنساۋلىق ساقتاۋ باسقارماسى فۋتبولشى اۋرۋحاناعا قانداي جاعدايدا تٷسكەنٸن ايتتى, دەپ حابارلايدى Dalanews.kz.
الماتى ورتالىق قالالىق كلينيكالىق اۋرۋحاناسىنىڭ قابىلداۋ بٶلٸمشەسٸنە 2006 جىلى تۋعان جاس فۋتبولشى كلينيكالىق ٶلٸم جاعدايىندا جەتكٸزٸلگەن. ونى وقيعا ورنىندا كەزەكشٸلٸك اتقارعان جەكە مەديتسينالىق جەدەل جەردەم بريگاداسى الىپ كەلگەن.
قابىلداۋ كەزٸندە پاتسيەنتتٸڭ تامىر سوعىسى مەن ارتەرييالىق قىسىمى بولماعان, قاراشىقتارى كەڭەيگەن. مەديتسينالىق بريگادا 30 مينۋت بويى رەانيماتسييالىق شارالار جٷرگٸزگەنٸمەن, بارلىق قولدانىلعان شاراعا قاراماستان, ٶمٸرلٸك بەلگٸلەردٸ قالپىنا كەلتٸرۋ مٷمكٸن بولمادى. بيولوگييالىق ٶلٸم تٸركەلدٸ.
مارقۇمنىڭ دەنەسٸ ٶلٸمنٸڭ ناقتى سەبەبٸن انىقتاۋ ٷشٸن سوت-مەديتسينالىق ساراپتاماعا جٸبەرٸلدٸ.
ەسكە سالايىق, 16 قازاندا "حان تەڭٸرٸ" مەن ەكٸباستۇز فۋتبول كلۋبتارى اراسىنداعى ويىن كەزٸندە 19 جاستاعى فۋتبولشى دياس تٶلەۋ كەنەتتەن قايتىس بولدى.
قازاقستاننىڭ بٸرٸنشٸ ليگاسىندا ٶنەر كٶرسەتەتٸن الماتىلىق كلۋب ويىنشىسى كەزدەسۋ بارىسىندا جاراقات الىپ, كەيٸننەن قازا بولدى. قايعىلى وقيعا تۋرالى "حان تەڭٸرٸ" فۋتبول كلۋبى دا رەسمي حابارلاپ, دياستىڭ جاقىندارىنا كٶڭٸل ايتتى.
8 نومەردە ويناعان دياس تٶلەۋ "قايرات" فۋتبول كلۋبى اكادەميياسىنىڭ تەلٸمگەرٸ.
