Saiasattanýshy Daniiar Áshimbaev Reseidiń Qazaqstanǵa qarsy kezekti aqparattyq shabýylyna qatysty pikir bildirdi. Onyń pikirinshe, mundai aqparattyq "qoqystar" Qazaqstandy janjalǵa ilindirgisi keletin dushpan isi, dep habarlaidy Dalanews.kz.
"...Qazaqstan men Resei arasyndaǵy qarym-qatynasty turaqsyzdandyrýǵa baǵyttalatyn áreketter únemi tirkelip otyrady. Reseilik jáne qazaqstandyq qoǵam arasynda jaǵymsyz pikir týdyryp, ózderin ulttyq múddeni qorǵaýshy retinde kórsetý úshin qurylǵan arnaiy arnalar da bar. Qazaqtardy "orys basyp alady" degen qaýippen úreilendirse, orystarǵa Qazaqstan Reseige qarsy jáne "tártipteýdi qajet etedi" degendi qulaqqa quiyp, miǵa sińirgisi keledi", - dep jazady ol Telegram-daǵy arnasynda.
Aita ketsek, "Solovev Live" jobasynyń júrgizýshisi Sergei Mardan búgin Reseidiń Orsk qalasyna shabýyl jasaǵan dron Qazaqstannan ushyrylǵanyn málimdegen. Onyń oiynsha, bul bizdiń elimizdiń aýmaǵynda "reid" jasap, Astanada "tazalyq" júrgizýge túrtki bolady.
