ساياساتتانۋشى دانيار اشىمبايەۆ رەسەيدىڭ قازاقستانعا قارسى كەزەكتى اقپاراتتىق شابۋىلىنا قاتىستى پىكىر ءبىلدىردى. ونىڭ پىكىرىنشە، مۇنداي اقپاراتتىق "قوقىستار" قازاقستاندى جانجالعا ىلىندىرگىسى كەلەتىن دۇشپان ءىسى، دەپ حابارلايدى Dalanews.kz.
"...قازاقستان مەن رەسەي اراسىنداعى قارىم-قاتىناستى تۇراقسىزداندىرۋعا باعىتتالاتىن ارەكەتتەر ۇنەمى تىركەلىپ وتىرادى. رەسەيلىك جانە قازاقستاندىق قوعام اراسىندا جاعىمسىز پىكىر تۋدىرىپ، وزدەرىن ۇلتتىق مۇددەنى قورعاۋشى رەتىندە كورسەتۋ ءۇشىن قۇرىلعان ارنايى ارنالار دا بار. قازاقتاردى "ورىس باسىپ الادى" دەگەن قاۋىپپەن ۇرەيلەندىرسە، ورىستارعا قازاقستان رەسەيگە قارسى جانە "تارتىپتەۋدى قاجەت ەتەدى" دەگەندى قۇلاققا قۇيىپ، ميعا سىڭىرگىسى كەلەدى"، - دەپ جازادى ول Telegram-داعى ارناسىندا.
ايتا كەتسەك، "سولوۆيەۆ Live" جوباسىنىڭ جۇرگىزۋشىسى سەرگەي ماردان بۇگىن رەسەيدىڭ ورسك قالاسىنا شابۋىل جاساعان درون قازاقستاننان ۇشىرىلعانىن مالىمدەگەن. ونىڭ ويىنشا، بۇل ءبىزدىڭ ەلىمىزدىڭ اۋماعىندا "رەيد" جاساپ، استانادا "تازالىق" جۇرگىزۋگە تۇرتكى بولادى.
