Bul týraly aimaq basshysy málimdedi. Aita ketý kerek, Danial Ahmetov búgin kezekti ret Zyrian aýdanyna at basyn buryp, jaǵdaidy jeke ózi baqylap qaitty. Qazirgi tańda mundaǵy toǵyz eldi mekende sýdyń beti qaityp, deńgeii túsken.
Qazirgi tańda aýdandaǵy jalpy 414 úidiń, 285-inen sý ketip, 129-ynda tiisti jumystar júrgizilýde.
Zyrian qalasynyń eski bóliginde áli kúnge deiin 74 úi sý astynda tur. Oblys ákimi olardyń bári-daǵy aldaǵy tańda turýǵa jaramsyz dep tanylýy yqtimal degen bastapqy boljamyn jetkizdi. Sý deńgeii 3 metrge jetken ýchaskede búgin qosymsha taǵy birneshe sý sorǵysh nasostar qoiylmaq.
- Bul jerde 2 mln.tekshe metrge deiin sý jatyr. Olardy sorý úshin óte qýatty tehnikalar qajet. Búgin qosymsha taǵy eki nasos qosamyz. Olar saǵatyna eki myń tekshe metrge deiin sý sorýǵa qabiletti. Oǵan deiin nasos stansasynyń jan-jaǵyn qummen bekitip, sýdy sorý týraly tapsyrma berilgen bolatyn. Alaida ol jumys áli tolyq júzege aspaǵandyqtan eki kún ishinde aýdan ákimdiginiń basshylyǵyna sýdan tolyq tazartý týraly tapsyrma berildi, - deidi Danial Ahmetov.
Buqtyrma ózeniniń arnasyndaǵy muzdy jarý jumysy úsh kún boiy júrgizildi.
Osy ýaqyt aralyǵynda 17 tonna jarylǵysh zattar qoldanyldy. Nátijesinde, sý deńgeii 2,5 esege azaiyp, tómen tústi. Sol kezdegi ózekti másele – Malievsk aýyly men Zýbovsk kentin tolyq sý basyp ketý qaýpiniń aldy alyndy. Búginde Malievskidegi 97, Zýbovskidegi 114 úiden sý qaityp, turǵyndar baspanalaryna oralýda.
- Jalpy sany 414 úige sý kirdi. Barlyq turǵyndardyń shyǵyny arnaiy komissiiamen eseptelinedi. Qazir qalada 60 páterli jańa turǵyn úidiń qurylysy júrip jatyr. Sonymen qatar, ekinshi deńgeili naryqta satylymǵa qoiylǵan baspanalardyń esebi daiyndalýda. Aitarym, dúisenbige deiin úi máselesin sheshý joly naqty belgili bolady, - dedi aimaq basshysy.
Aýdandardaǵy úilerdiń búgingi jai-kúiimen tanysqan Danial Ahmetov, evakýatsiia pýnkterde jatqan turǵyndarmen kezdesti.
Aita ketý kerek, barlyq evakýatsiialanǵan zyriandyqtar jatar oryn, kiim-keshek, úsh ýaqyt tamaqpen qamtamasyz etilgen.
«Jasalǵan jaǵdaiǵa kóńilderińiz tolyp jatyr ma?» degen oblys ákimi saýalyna aqsaqaldar men aqjaýlyqty ájeler «Tipti tórt ýaqyt tamaq beredi. Jaqsy qarap jatyr. Kóńilimiz toq» dep, jaýap qaiyrdy.
Aldaǵy tańda Katon-Qaraǵai aýdanyndaǵy Sennoe eldi mekeni aýmaǵynda da muz keptelisi týyndaý qaýpi bar. Ondaǵy muzdy jarý naýqanyn erteń bastaýdy tapsyrdy Danial Ahmetov.
Jalpy, birer kúnde óńir boiynsha kún raiy jylynyp, temperatýra kórsetkishi 17 gradýsqa deiin kóteriledi dep kútilýde. Sol sebepti aimaqty sý alý qaýpiniń kezekti tolqyny bastalýy yqtimal. Onyń aldyn-alý sharalaryna jergilikti bilik barynsha daiyndyq júrgizýde.
ShQO ákiminiń baspasóz qyzmeti
Sýret: «Shyǵys-Aqparat»
