Turǵyndardyń talap-aryzyn muqiiat tyńdaǵan Ahmetov qytai jumysshylaryn eline qaitarýǵa ýáde etti.
"Maǵan azdaǵan ýaqyt berińizder. Bul halyqaralyq qatynastyń máselesi. Qazir bul jaiynda Memleket basshysymen sóilesip, sheshim qabyldaimyz. Olardy (qytai azamattaryn aitady red.) qai ýaqytta Qytaiǵa jónelterimizdi anyqtaityn bolamyz. Barlyq 42 adam úiine qaitady", – dedi ol.
Bul 42 azamat Zaisanǵa qaýipti indet paida bolmai tura kelgen.
Aita ketelik buǵan deiin áleýmettik jelide “qaýipti indet juqtyrǵan qytai azamattary Zaisanǵa jetkizilip, jergilikti aýrýhanaǵa jatqyzyldy” degen qaýeset taraǵan. Muny estigen Sarterek jáne Ainabulaq aýylynyń halqy kóshege shyǵyp, jergilikti ákimdikten mán-jaidy túsindirýdi jáne shekarany jabýdy talap etken.
Bul málimetti oblys ákimdigi joqqa shyǵardy.
Kúrshim aýdanyna josparlanǵan saparyn keiinge shegergen óńir basshysy shekaradaǵy ahýalǵa alańdaǵan Zaisan aýdanynyń turǵyndarymen kezdesip, shekarany birde-bir sheteldik kesip ótpeitinin aitty.
“Qytaimen aradaǵy shekara jabyq. Barlyǵyńyzdy sabyrǵa shaqyramyn. Qytaidan kelgen bes adam óz azamatymyz. Stýdent jastar. Biz olardy shekarany ashpai, shettetip jibergenimiz durys bolar ma edi? Olar birden karantinge jabylady, ózgelerden oqshaýlanady", – dedi Ahmetov.
https://youtu.be/C5lAjc0sD4E
Tolyǵyraq:
https://dalanews.kz/50615
