تۇرعىنداردىڭ تالاپ-ارىزىن مۇقيات تىڭداعان احمەتوۆ جۇڭگو جۇمىسشىلارىن ەلىنە قايتارۋعا ۋادە ەتتى.
"ماعان ازداعان ۋاقىت بەرىڭىزدەر. بۇل حالىقارالىق قاتىناستىڭ ماسەلەسى. ءقازىر بۇل جايىندا مەملەكەت باسشىسىمەن سويلەسىپ، شەشىم قابىلدايمىز. ولاردى (جۇڭگو ازاماتتارىن ايتادى رەد.) قاي ۋاقىتتا قىتايعا جونەلتەرىمىزدى انىقتايتىن بولامىز. بارلىق 42 ادام ۇيىنە قايتادى"، – دەدى ول.
بۇل 42 ازامات زايسانعا ءقاۋىپتى ىندەت پايدا بولماي تۇرا كەلگەن.
ايتا كەتەلىك بۇعان دەيىن الەۋمەتتىك جەلىدە “ءقاۋىپتى ىندەت جۇقتىرعان جۇڭگو ازاماتتارى زايسانعا جەتكىزىلىپ، جەرگىلىكتى اۋرۋحاناعا جاتقىزىلدى” دەگەن قاۋەسەت تاراعان. مۇنى ەستىگەن سارتەرەك جانە اينابۇلاق اۋىلىنىڭ حالقى كوشەگە شىعىپ، جەرگىلىكتى اكىمدىكتەن ءمان-جايدى ءتۇسىندىرۋدى جانە شەكارانى جابۋدى تالاپ ەتكەن.
بۇل مالىمەتتى وبلىس اكىمدىگى جوققا شىعاردى.
كۇرشىم اۋدانىنا جوسپارلانعان ساپارىن كەيىنگە شەگەرگەن ءوڭىر باسشىسى شەكاراداعى احۋالعا الاڭداعان زايسان اۋدانىنىڭ تۇرعىندارىمەن كەزدەسىپ، شەكارانى بىردە-بىر شەتەلدىك كەسىپ وتپەيتىنىن ايتتى.
“قىتايمەن اراداعى شەكارا جابىق. بارلىعىڭىزدى سابىرعا شاقىرامىن. قىتايدان كەلگەن بەس ادام ءوز ازاماتىمىز. ستۋدەنت جاستار. ءبىز ولاردى شەكارانى اشپاي، شەتتەتىپ جىبەرگەنىمىز دۇرىس بولار ما ەدى؟ ولار بىردەن كارانتينگە جابىلادى، وزگەلەردەن وقشاۋلانادى"، – دەدى احمەتوۆ.
https://youtu.be/C5lAjc0sD4E
تولىعىراق:
https://dalanews.kz/50615
