- Tuńǵysh Prezıdentimiz - elimizdiń negizin qalaýshy, eldigimizdiń sımvoly, táýelsiz Qazaqstannyń tól tarıhynyń bastaýynda turǵan tuǵyrly tulǵa!
Memlekettik basqarý salasynda Nursultan Ábishulymen 30 jyl birge qyzmet etken jyldar men úshin eń baqytty kezeń deýge bolady.
Men Elbasymyzdyń kóptegen saıası sheshimderiniń kýási bola tura, boıyndaǵy biregeı qasıetterdi atap ótkim keledi. Eń aldymen Nursultan Nazarbaev óte joǵary bilimdi, tálimger, árbir isine jaýapkershilikpen qaraıtyn, qoǵamnyń nazaryn birden ózine aýdara biletin zor tulǵa der edim.
Barlyq istiń jaýapkershiligin ózine alatyn adam. Iaǵnı bir máseleni Parlament nemese Úkimet jigine aýdarmaı, ózi ǵana jaýap beredi. Bul Nursultan Ábishulynyń danyshpandylyǵy, kóregendiligi. Buǵan dálel bolatyn birneshe jaıttar bar.
Sonyń biri 90-shy jyldardyń ortasynda, ıaǵnı memleketimizdiń endi turaqtalý kezi bolatyn. Jasyratyny joq, bul Qazaqstan úshin bir qıyn kezderdiń biri boldy. Óıtkeni biz naryqtyń ekonomıka, oǵan qalaı beıimdelý kerek ekenin bilgen joqpyz. Osy rette Ult Kóshbasshysy sol kezdegi el astanasy Almaty qalasyna ár aptanyń sársenbi kúnderi bizdi jınap, eki kún boıy tapsyrmalaryn tizbektep jazatynbyz. Ekonomıka men qoǵamnyń ashyqtyǵyna umtyldy .
Nursultan Ábishulynyń tálimgerliginiń, kemeńgerliniń nátıjesinde elimizdiń irgesi nyǵaıyp, álemdik arenada bedeli arta berdi.
https://youtu.be/rrl2cFqigZQ
