Shyǵys Qazaqstan oblysynda sút óndirisin ulǵaitýdyń negizgi áleýeti halyqtan sút satyp alý bolyp tabylady. Muny sút fermalary men kooperativter qurý arqyly jasaýǵa bolady.
– Eger tiimdi jáne ashyq satyp alý júiesi bolmasa, eshqashan sút-taýarly pýnktter, kooperativter damymaidy. Tólem joq bolsa, nege satyp alamyz, – dedi ShQO ákimi Danial Ahmetov. – Aýyl sharýashylyǵy basqarmasy algoritm jasap, osyǵan bailanysty aýyl ákimi, veterinarlardyń ne isteý kerektigin naqtylaý kerek. Basqarma osy máselede qadaǵalaý fýnktsiiasyn atqarýy tiis.
– Ilgeri baspaityn isti nege sýbsidiialaimyz? Shekti deńgeidi bekitý kerek. Mysaly, 4000 litrge jetti me, sonda ǵana oblystyń sýbsidiialary bólinýi tiis. Al aýyl sharýashylyǵyn basqarmasy osy baǵdarlamany ekonomika basqarmasynda dáleldep, qorǵaýy kerek, –dep tapsyrdy oblys ákimi.
Kezdesý qorytyndysy boiynsha aimaq basshysy 2018 jyly Qytaidyń eksporttyq áleýetine nazar aýdarý kerektigin atap ótti. Sondai-aq, iri sút fermalaryn odan ári damytýdy qolǵa alyp, qurylysymen jáne qaita qurýmen ainalysýdy júktedi. Basty maqsat – olardy zamanaýi jabdyqtar jaraqtandyrý.
