Shyǵys Qazaqstan oblysynda sút óndirisin ulǵaıtýdyń negizgi áleýeti halyqtan sút satyp alý bolyp tabylady. Muny sút fermalary men kooperatıvter qurý arqyly jasaýǵa bolady.
– Eger tıimdi jáne ashyq satyp alý júıesi bolmasa, eshqashan sút-taýarly pýnktter, kooperatıvter damymaıdy. Tólem joq bolsa, nege satyp alamyz, – dedi SHQO ákimi Danıal Ahmetov. – Aýyl sharýashylyǵy basqarmasy algorıtm jasap, osyǵan baılanysty aýyl ákimi, veterınarlardyń ne isteý kerektigin naqtylaý kerek. Basqarma osy máselede qadaǵalaý fýnksıasyn atqarýy tıis.
Halyqty sút óńdeý kásiporyndarymen jáne sút fermalarymen jumys isteýge yntalandyrý qajettigi aýyl sharýashylyǵy basqarmasynyń kún tártibinde turǵan ózekti másele. Sondaı-aq, aımaq basshysy sýbsıdıa bólý úrdisine erekshe nazar aýdarý qajettigin de jetkizdi. Óıtkeni, 4000 lıtr sút pen 20 lıtr sút beretin eki túrli sıyr úshin fermerlerdiń teń deńgeıde sýbsıdıa alýy ádiletsiz. Aldaǵy tańda SHQO saýylatyn súttiń shekti deńgeıin bekitilmek, al ony oryndaı alǵan fermer memlekettik qoldaýǵa ıe bolady.
– İlgeri baspaıtyn isti nege sýbsıdıalaımyz? Shekti deńgeıdi bekitý kerek. Mysaly, 4000 lıtrge jetti me, sonda ǵana oblystyń sýbsıdıalary bólinýi tıis. Al aýyl sharýashylyǵyn basqarmasy osy baǵdarlamany ekonomıka basqarmasynda dáleldep, qorǵaýy kerek, –dep tapsyrdy oblys ákimi.
Kezdesý qorytyndysy boıynsha aımaq basshysy 2018 jyly Qytaıdyń eksporttyq áleýetine nazar aýdarý kerektigin atap ótti. Sondaı-aq, iri sút fermalaryn odan ári damytýdy qolǵa alyp, qurylysymen jáne qaıta qurýmen aınalysýdy júktedi. Basty maqsat – olardy zamanaýı jabdyqtar jaraqtandyrý.
