Búginde Shyǵys Qazaqstan oblysynyń aýmaǵyndaǵy avtomobil joldarynda 19 jylytý, tórt meditsinalyq-qutqarý pýnkti jáne 27 jol boiyndaǵy kafe jumys isteidi. ShQO Tótenshe jaǵdailar departamentiniń bastyǵy Erlan Nurpeiisovtiń aitýynsha, qazirgi tańda oblys joldarynda uzyndyǵy 495 shaqyrymdy quraityn 314 qar basý yqtimaldylyǵy joǵary ýchaske bar.
– Qys maýsymy bastalǵaly oblystyń avtomobil joldarynda 12 avariialyq-qutqarý jumystary júrgizildi, nátijesinde toǵyz adam qutqaryldy, qaýipsiz oryndarǵa 35 adam evakýatsiialandy. Qar basý yqtimaldylyǵy joǵary 314 ýchaskesine uzyndyǵy 20 676 pogondy metr qalqandar ornatyldy. Oblystyq biýdjetten bólingen qarajattyń arqasynda 2020 jyly Altai aýdanynda Zýbov orta mektebin qorǵaý úshin 66 qalqan ornatylǵanyn erekshe atap ótkim keledi, – dedi Erlan Nurpeiisov.
Jiynda sondai-aq, oblys aýmaǵyndaǵy sý tasqyny kezeńine qarsy daiyndyq týraly máseleler talqylandy.
– Barlyq ákimderge aiaz saldarynan jerdiń qatý tereńdigin zertteýdi tapsyramyn, ásirese Katonqaraǵai, Glýbokoe, Shemonaiha, Aiagóz, Altai aýdandaryna erekshe nazar aýdaramyn. Qazirgi qardyń deńgeii belgili, biraq biz aqpan aiynda da qar men boran bolatynyn eskerýimiz qajet. Senbige deiin sý tasqyny kezeńine daiyndyqtyń egjei-tegjeili josparyn engizýdi tapsyramyn. Barlyq sý qoimalaryndaǵy sýdyń jaǵdaiyn baqylaýda ustańyzdar, – dedi ShQO ákimi Danial Ahmetov.
Jalpy Shyǵys Qazaqstan oblysynda jylý berý maýsymy qalypty jaǵdaida ótýde. Energetika jáne turǵyn úi-kommýnaldyq sharýashylyq basqarmasy oblys qalalary men aýdandarynyń ákimdikterimen birlesip, tehnologiialyq buzýshylyqtardyń týyndaýyna jáne olardy qysqa merzimde joiýǵa kún saiyn monitoring júrgizýde. Osy oraida oblys ákimi Danial Ahmetovtiń tapsyrmasy boiynsha, Semei qalasynyń jaǵdaiy zertteldi. Nátijesinde JEO-1, «Ǵabbasov», «103 – IýZA», «Ortalyq», «35 kvartal» qazandyqtary jáne jylý jelileri tekserildi. Tekserýdiń aldyn ala esebin oblys ákiminiń orynbasary Baqytjan Baiahmetov baiandady. Aimaq basshysy Semeidegi jylý máselesi boiynsha tolyq esepti jaqyn kúnderi daiyndaýdy tapsyryp, másele barlyq jaýapty organdarmen egjei-tegjeili talqylanatynyn atap ótti.
ShQO ákiminiń baspasóz qyzmeti
