Biylǵy jyldyń qazan aiynda Semei jurtymen júzdesken Úkimetbasy qalanyń 2020-25 jylǵa deiin keshendi damý josparyn tanystyrǵan.
Sonyń aiasynda 7 baǵyt boiynsha barlyǵy 56 joba júzege asyrylyp, buǵan 250 mlrd. teńge bólinedi.
Sońǵy úsh jylda Semeidi abattandyrýǵa, onyń ishinde jol jóndeýge 13,5 mlrd teńge, mektepterdi kúrdeli jóndeýden ótkizýge – 1,5 mlrd teńge bólindi.
Úshaqtar kentinde 1200 oryndyq jáne Bobrovka aýylynda 600 oryndyq mektep salyndy.
Qaladaǵy Qaraǵaily jańa shaǵynaýdanynda 20 kópqabatty úidiń qurylysy aiaqtaldy.
Semeidiń avtobýs parki 80 paiyzǵa jańaryp, jolaýshylar tasymaly tártipke keldi. Qazir qala kóshelerinde jergilikti «DaewooBusKazakhstan» JShS-synda jasalǵan 267 avtobýs úzbei júrip júr.
Semei áýejaiy kúrdeli jóndeýden ótti. Sonymen qatar álemdik deńgeidegi sport kesheniniń qurylysy aiaqtalýǵa jaqyn.
Ahmetovtyń aitqanyndai Semeige qatysty keshendi jospar qalanyń ajaryn ashyp, kórkin kirgizbek.
Osy jospardyń negizinde Semeide 4 myńǵa tarta jańa jumys orny ashylyp, 133 kópqabatty úi paidalanýǵa beriledi.
Áleýmettik salany damytýǵa 47 mlrd teńge bólingeli otyr, onyń ishinde 4 mektep jáne 4 balabaqsha, muz aidyny, balalar aýrýhanasy, múgedekterge arnalǵan ońaltý ortalyǵynyń qurylysy bar.
Memlekettik-jekemenshik áriptestik negizinde qalaǵa biýdjet qarjysynan tys 76 mlrd teńge tartylatyn bolady.
"Sonyń nátijesinde aldaǵy 5 jylda Semeidegi óndiris kórsetkishi – 1,6 ese, negizgi kapitalǵa salynǵan investitsiia men aýyl sharýashylyǵy ónimderiniń kórsetkishi - 1,2 ese, bólshek saýda ainalymy - 2 ese ósedi.
1-6 jas aralyǵyndaǵy balalardy mektepke deiingi tárbiemen qamtýdy 100 paiyzǵa jetkizemiz", – dedi Danial Ahmetov.
