بيىلعى جىلدىڭ قازان ايىندا سەمەي جۇرتىمەن جۇزدەسكەن ۇكىمەتباسى قالانىڭ 2020-25 جىلعا دەيىن كەشەندى دامۋ جوسپارىن تانىستىرعان.
سونىڭ اياسىندا 7 باعىت بويىنشا بارلىعى 56 جوبا جۇزەگە اسىرىلىپ، بۇعان 250 ملرد. تەڭگە بولىنەدى.
سوڭعى ءۇش جىلدا سەمەيدى اباتتاندىرۋعا، ونىڭ ىشىندە جول جوندەۋگە 13،5 ملرد تەڭگە، مەكتەپتەردى كۇردەلى جوندەۋدەن وتكىزۋگە – 1،5 ملرد تەڭگە ءبولىندى.
ءۇشاقتار كەنتىندە 1200 ورىندىق جانە بوبروۆكا اۋىلىندا 600 ورىندىق مەكتەپ سالىندى.
قالاداعى قاراعايلى جاڭا شاعىناۋدانىندا 20 كوپقاباتتى ءۇيدىڭ قۇرىلىسى اياقتالدى.
سەمەيدىڭ اۆتوبۋس پاركى 80 پايىزعا جاڭارىپ، جولاۋشىلار تاسىمالى تارتىپكە كەلدى. ءقازىر قالا كوشەلەرىندە جەرگىلىكتى «DaewooBusKazakhstan» جشس-سىندا جاسالعان 267 اۆتوبۋس ۇزبەي ءجۇرىپ ءجۇر.
سەمەي اۋەجايى كۇردەلى جوندەۋدەن ءوتتى. سونىمەن قاتار الەمدىك دەڭگەيدەگى سپورت كەشەنىنىڭ قۇرىلىسى اياقتالۋعا جاقىن.
احمەتوۆتىڭ ايتقانىنداي سەمەيگە قاتىستى كەشەندى جوسپار قالانىڭ اجارىن اشىپ، كوركىن كىرگىزبەك.
وسى جوسپاردىڭ نەگىزىندە سەمەيدە 4 مىڭعا تارتا جاڭا جۇمىس ورنى اشىلىپ، 133 كوپقاباتتى ءۇي پايدالانۋعا بەرىلەدى.
الەۋمەتتىك سالانى دامىتۋعا 47 ملرد تەڭگە بولىنگەلى وتىر، ونىڭ ىشىندە 4 مەكتەپ جانە 4 بالاباقشا، مۇز ايدىنى، بالالار اۋرۋحاناسى، مۇگەدەكتەرگە ارنالعان وڭالتۋ ورتالىعىنىڭ قۇرىلىسى بار.
مەملەكەتتىك-جەكەمەنشىك ارىپتەستىك نەگىزىندە قالاعا بيۋدجەت قارجىسىنان تىس 76 ملرد تەڭگە تارتىلاتىن بولادى.
"سونىڭ ناتيجەسىندە الداعى 5 جىلدا سەمەيدەگى ءوندىرىس كورسەتكىشى – 1،6 ەسە، نەگىزگى كاپيتالعا سالىنعان ينۆەستيسيا مەن اۋىل شارۋاشىلىعى ونىمدەرىنىڭ كورسەتكىشى - 1،2 ەسە، بولشەك ساۋدا اينالىمى - 2 ەسە وسەدى.
1-6 جاس ارالىعىنداعى بالالاردى مەكتەپكە دەيىنگى تاربيەمەن قامتۋدى 100 پايىزعا جەتكىزەمىز"، – دەدى دانيال احمەتوۆ.
