– Búgin qýanyshty, ári tarihi kún. Jańa jyl qarsańynda jerlesimiz, Qazaqstannyń halyq ártisi Roza Qýanyshqyzy Rymbaevaǵa «ShQO Qurmetti azamaty» ataǵyn jeke tapsyrýdamyn. Men úshin bul zor qurmet. Biz árdaiym jerlesterimizdiń jeńisi úshin qýanyp, qoldap júremiz, –dedi ShQO ákimi Danial Ahmetov.
– Jyl saiyn ózimniń gastroldik saparymdy Shyǵys Qazaqstannan bastaýǵa tyrysamyn. Sebebi, týǵan ólkemnen erekshe shabyt, kúsh-qýat alamyn. Halqyma júrekpen án shyrqap, bir tolqynda óner kórsetemin. Búgingi marapat úshin halqyma zor alǵysymdy bildiremin, – dedi Roza Qýanyshqyzy.
Qazaqstannyń halyq ártisi Óskemende jańartylǵan «ERTIS CONCERT» ǵimaratynda boldy. Búginde joǵary talaptarǵa sai ózgergen, ánshiniń ózi talai ret óner kórsetken zal Roza Rymbaevanyń aitýynsha kemde-kem.
Sondai-aq, Roza Rymbaeva aldaǵy jyly erekshe baǵdarlamamen kelip, oblys turǵyndaryna jeke kontsert qoiatynyn jetkizdi. Jospar boiynsha, kesh ShQO simfoniialyq jáne halyq aspaptar orkestriniń súiemeldeýimen ótedi.
ShQO ákiminiń baspasóz qyzmeti
