– بۇگىن قۋانىشتى، ءارى تاريحي كۇن. جاڭا جىل قارساڭىندا جەرلەسىمىز، قازاقستاننىڭ حالىق ءارتىسى روزا قۋانىش قىزى رىمبايەۆاعا «شقو قۇرمەتتى ازاماتى» اتاعىن جەكە تاپسىرۋدامىن. مەن ءۇشىن بۇل زور قۇرمەت. ءبىز ءاردايىم جەرلەستەرىمىزدىڭ جەڭىسى ءۇشىن قۋانىپ، قولداپ جۇرەمىز، –دەدى شقو اكىمى دانيال احمەتوۆ.
كەزدەسۋ بارىسىندا ەسترادا ءانشىسى جاقىندا اباي قۇنانباي ۇلىنىڭ 175 جىلدىعىنا وراي قورىتىندى كونسەرت وتكىزدى. ءانشى، سەمەي قالاسىندا مەرەيتوي اياسىندا اتقارىلعان جۇمىستاردىڭ اۋقىمىن جوعارى باعالاپ، ۇلى اقىن – ابايدىڭ قازاق ءۇشىن الار ورنى زور ەكەنىن ەرەكشە اتاپ ءوتتى.
– جىل سايىن ءوزىمنىڭ گاسترولدىك ساپارىمدى شىعىس قازاقستاننان باستاۋعا تىرىسامىن. سەبەبى، تۋعان ولكەمنەن ەرەكشە شابىت، كۇش-قۋات الامىن. حالقىما جۇرەكپەن ءان شىرقاپ، ءبىر تولقىندا ونەر كورسەتەمىن. بۇگىنگى ماراپات ءۇشىن حالقىما زور العىسىمدى بىلدىرەمىن، – دەدى روزا قۋانىش قىزى.
قازاقستاننىڭ حالىق ءارتىسى وسكەمەندە جاڭارتىلعان «ERTIS CONCERT» عيماراتىندا بولدى. بۇگىندە جوعارى تالاپتارعا ساي وزگەرگەن، ءانشىنىڭ ءوزى تالاي رەت ونەر كورسەتكەن زال روزا رىمبايەۆانىڭ ايتۋىنشا كەمدە-كەم.
سونداي-اق، روزا رىمبايەۆا الداعى جىلى ەرەكشە باعدارلامامەن كەلىپ، وبلىس تۇرعىندارىنا جەكە كونسەرت قوياتىنىن جەتكىزدى. جوسپار بويىنشا، كەش شقو سيمفونيالىق جانە حالىق اسپاپتار وركەسترىنىڭ سۇيەمەلدەۋىمەن وتەدى.
شقو اكىمىنىڭ باسپا ءسوز قىزمەتى
