Is-sapardiń alǵashqy kúni ShQO basshysy «Southwark Integrated Waste Management Facility» qatty turmystyq qaldyqtardy suryptaý jáne qaita óńdeý zaýytyn aralap, «Transport for London» qoǵamdyq tasymaldaýdy uiymdastyrý júiesiniń qyzmetimen tanysty.
Al 6-naýryzda oblys ákimi EQQDB birinshi vitse-prezidenti Alon Pilokspen óńirdiń infraqurylymyn damytýǵa baǵyttalǵan investitsiialyq jobalardy júzege asyrý jónindegi ekijaqty seriktestik josparyn talqylady.
Is-sapar oblys ákimi jáne EQQDB Prezidenti Sýma Chakrabarti arasynda 5,6 milliard teńgege «Shyǵys Qazaqstan oblysy qalalary men aýdan ortalyqtarynyń kóshelerin jaryqtandyrý júiesin jańǵyrtý» jobasyn qarjylandyrý týraly kelisimge qol qoiý rásimimen jalǵasty.
Jańa joba Shyǵys Qazaqstannyń 630 myńnan astam turǵyny bar 6 qalasy men 11 aýdan ortalyǵyn qamtidy. Kósheni jaryqtandyrý júiesin jańartý 32 myń shamdy energiia únemdeýshi túrlerine aýystyrýǵa múmkindik beredi. Bul joba Shyǵys Qazaqstanda kósheni jaryqtandyrý júiesinde energiia únemdeý tehnologiiasyn engizýdiń 2-fazasy. Jalpy, EQQDB qoldaýymen 4,8 mlrd teńgege Óskemen men Semeide aqyldy jaryqtandyrý júiesi engizilýde. Onyń aiasynda 25 myń shamdy energiia únemdeýshi túrine aýystyrý josparlanǵan. Mamyr aiynda qurylys-montaj jumysy bastalady.
Atap ótý kerek, kelissózder barysynda oblys ákimi men EQQDB Prezidenti Óskemende quny 29,5 milliard teńgeni quraityn qaldyqtardy zamanaýi jolmen joiý jáne qaita óńdeý jobasynyń tehnikalyq qujattamasyn jasaý jáne qarjylandyrý múmkindigi qarastyrý úshin birge jumys isteýge kelisti. Sonymen qatar, Danial Ahmetovtiń usynysymen EQQDB quny 33,3 milliard teńge turatyn Zaisan, Úrjar, Tarbaǵatai aýdandarynyń 50 eldi mekenin gazdandyrý jobasyn zertteýge kirisedi.
2015 jyldan bastap, sońǵysyn birge eseptegende, oblys ákimdigi men EQQDB 46,1 milliard teńgeniń 10 nesielik kelisimshart pen kelisimge mór basyldy.
Bul kelisimder men gazdandyrý jáne turmystyq qatty qaldyqtardy qaita óńdeý jobalaryn qarjylandyrý týrasynda qujattarǵa qol qoiylýy jyl sońyna deiin ShQO tartylatyn investitsiia kólemin 108,9 milliard teńgege jetkizedi.
Kezdesýdi qorytyndylaǵan ser Sýma Chakrabarti Qazaqstannyń aimaqtary ishinde ShQO EQQDBmen birlesken jobalardyń sany men somasy boiynsha kósh bastap otyrǵanyn jetkizdi jáne investitsiialyq jobalardy júzege asyrýda zor úles qosqan oblys ákimi Danial Ahmetovke «Alǵys hat» tabys etti. Sondai-aq, EQQDB Prezidenti aimaq basshysyn biyl qarashada Pekinde ótetin Ortalyq Aziia forýmyna qonaǵy retinde qatysyp, birlesken jobalardyń barysy týraly baiandama jasaýǵa shaqyrdy.
Esterińe sala ketsek, ústimizdegi jyldyń mamyr aiynda ótetin Astana ekonomikalyq forýmy aiasynda EQQDB men Shyǵys Qazaqstan oblysy arasynda infrastrýktýralyq jobalar boiynsha kezekti nesielik kelisimsharttarǵa qol qoiý josparlanýda.
ShQO ákimi baspasóz qyzmeti
