ءىس-ساپاردىڭ العاشقى كۇنى شقو باسشىسى «Southwark Integrated Waste Management Facility» قاتتى تۇرمىستىق قالدىقتاردى سۇرىپتاۋ جانە قايتا وڭدەۋ زاۋىتىن ارالاپ، «Transport for London» قوعامدىق تاسىمالداۋدى ۇيىمداستىرۋ جۇيەسىنىڭ قىزمەتىمەن تانىستى.
ال 6-ناۋرىزدا وبلىس اكىمى ەققدب ءبىرىنشى ۆيسە-پرەزيدەنتى الون پيلوكسپەن ءوڭىردىڭ ينفراقۇرىلىمىن دامىتۋعا باعىتتالعان ينۆەستيسيالىق جوبالاردى جۇزەگە اسىرۋ جونىندەگى ەكىجاقتى سەرىكتەستىك جوسپارىن تالقىلادى.
ءىس-ساپار وبلىس اكىمى جانە ەققدب پرەزيدەنتى سۋما چاكرابارتي اراسىندا 5،6 ميلليارد تەڭگەگە «شىعىس قازاقستان وبلىسى قالالارى مەن اۋدان ورتالىقتارىنىڭ كوشەلەرىن جارىقتاندىرۋ جۇيەسىن جاڭعىرتۋ» جوباسىن قارجىلاندىرۋ تۋرالى كەلىسىمگە قول قويۋ راسىمىمەن جالعاستى.
جاڭا جوبا شىعىس قازاقستاننىڭ 630 مىڭنان استام تۇرعىنى بار 6 قالاسى مەن 11 اۋدان ورتالىعىن قامتيدى. كوشەنى جارىقتاندىرۋ جۇيەسىن جاڭارتۋ 32 مىڭ شامدى ەنەرگيا ۇنەمدەۋشى تۇرلەرىنە اۋىستىرۋعا مۇمكىندىك بەرەدى. بۇل جوبا شىعىس قازاقستاندا كوشەنى جارىقتاندىرۋ جۇيەسىندە ەنەرگيا ۇنەمدەۋ تەحنولوگياسىن ەنگىزۋدىڭ 2-فازاسى. جالپى، ەققدب قولداۋىمەن 4،8 ملرد تەڭگەگە وسكەمەن مەن سەمەيدە اقىلدى جارىقتاندىرۋ جۇيەسى ەنگىزىلۋدە. ونىڭ اياسىندا 25 مىڭ شامدى ەنەرگيا ۇنەمدەۋشى تۇرىنە اۋىستىرۋ جوسپارلانعان. مامىر ايىندا قۇرىلىس-مونتاج جۇمىسى باستالادى.
اتاپ ءوتۋ كەرەك، كەلىسسوزدەر بارىسىندا وبلىس اكىمى مەن ەققدب پرەزيدەنتى وسكەمەندە قۇنى 29،5 ميلليارد تەڭگەنى قۇرايتىن قالدىقتاردى زاماناۋي جولمەن جويۋ جانە قايتا وڭدەۋ جوباسىنىڭ تەحنيكالىق قۇجاتتاماسىن جاساۋ جانە قارجىلاندىرۋ مۇمكىندىگى قاراستىرۋ ءۇشىن بىرگە جۇمىس ىستەۋگە كەلىستى. سونىمەن قاتار، دانيال احمەتوۆتىڭ ۇسىنىسىمەن ەققدب قۇنى 33،3 ميلليارد تەڭگە تۇراتىن زايسان، ءۇرجار، تارباعاتاي اۋداندارىنىڭ 50 ەلدى مەكەنىن گازداندىرۋ جوباسىن زەرتتەۋگە كىرىسەدى.
2015 جىلدان باستاپ، سوڭعىسىن بىرگە ەسەپتەگەندە، وبلىس اكىمدىگى مەن ەققدب 46،1 ميلليارد تەڭگەنىڭ 10 نەسيەلىك كەلىسىمشارت پەن كەلىسىمگە ءمور باسىلدى.
بۇل كەلىسىمدەر مەن گازداندىرۋ جانە تۇرمىستىق قاتتى قالدىقتاردى قايتا وڭدەۋ جوبالارىن قارجىلاندىرۋ تۋراسىندا قۇجاتتارعا قول قويىلۋى جىل سوڭىنا دەيىن شقو تارتىلاتىن ينۆەستيسيا كولەمىن 108،9 ميلليارد تەڭگەگە جەتكىزەدى.
كەزدەسۋدى قورىتىندىلاعان سەر سۋما چاكرابارتي قازاقستاننىڭ ايماقتارى ىشىندە شقو ەققدبمەن بىرلەسكەن جوبالاردىڭ سانى مەن سوماسى بويىنشا كوش باستاپ وتىرعانىن جەتكىزدى جانە ينۆەستيسيالىق جوبالاردى جۇزەگە اسىرۋدا زور ۇلەس قوسقان وبلىس اكىمى دانيال احمەتوۆكە «العىس حات» تابىس ەتتى. سونداي-اق، ەققدب پرەزيدەنتى ايماق باسشىسىن بيىل قاراشادا پەكيندە وتەتىن ورتالىق ازيا فورۋمىنا قوناعى رەتىندە قاتىسىپ، بىرلەسكەن جوبالاردىڭ بارىسى تۋرالى بايانداما جاساۋعا شاقىردى.
ەستەرىڭە سالا كەتسەك، ۇستىمىزدەگى جىلدىڭ مامىر ايىندا وتەتىن استانا ەكونوميكالىق فورۋمى اياسىندا ەققدب مەن شىعىس قازاقستان وبلىسى اراسىندا ينفراسترۋكتۋرالىق جوبالار بويىنشا كەزەكتى نەسيەلىك كەلىسىمشارتتارعا قول قويۋ جوسپارلانۋدا.
شقو اكىمى باسپا ءسوز قىزمەتى
