Bul týraly óńir basshysy Danial Ahmetov habarlady.
⠀
Birinshi kezekte, biýdjetten tys qarajatqa bir aidyń ishinde aýyldyq okrýgterde úi kezeginde turǵan kópbalaly otbasylaryna arnap oblystaǵy 88 aýyldan 190 úi, sondai-aq, 4 aýdan ortalyǵynan 41 úi alamyz.
Tańdap alynǵan 231 úidiń 70-i jóndeýdi qajet etedi. Bul jumystar qysqa merzim ishinde sondai-aq biýdjetten tys qarajatqa atqarylatyn bolady.
⠀
"Arnaiy qurylǵan oblystyq komissiia jinalysyn ótkizdik. Atalmysh jumys tobynyń quramyna kópbalaly analar, qoǵam ókilderi men jýrnalister kirdi.
Bizdiń maqsat – bul jumystyń formaldy emes, naqty nátijesin qamtamasyz etý. Sondyqtan quramyna kópbalay analar men qoǵam ókilderi kirgen aýdandyq deńgeidegi komissiia músheleriniń atqaratyn róli asa mańyzdy ekenin aitqym keledi.
Olar jóndeý jumystarynan bastap, sol úilerge qonys tebýine deiingi jumys barysyn tolyq qadaǵalaýǵa alýlary kerek.
Biz, komissiia kópbalaly analarǵa tiisti jóndeý jumystary júrgizilmegen úidi májbúrli túrde berý jaǵdailaryn boldyrmaýymyz kerek.
Qarajat bólindi, barlyq aýdandar bul jobany júzege asyrýǵa kirisip ketkenin taǵy bir márte qaitalap aitamyn.
⠀
Qalǵan aýdan ortalyqtary men qalalar, iaǵni, ekinshi jáne úshinshi kezeńder boiynsha «Baqytty otbasy» baǵdarlamasy boiynsha jumys isteimiz.
Turǵyn úi jinaq banki arqyly jyldyq ústemaqysy 2% kópbalaly jáne az qamtylǵan otbasylary 20 jylǵa ipoteka alý múmkindigine ie bolady. Tek tólemqabilettiligin rastaýlary qajet.
Bul rette aita ketý kerek, alǵashqy jarna barlyǵynda joq, sondyqtan sertifikat berý múmkindigin qarastyryp jatyrmyz. Bul kezeńder tolyq zerdelegennen keiin oblys boiynsha bastaý alady.
⠀
Kelesi aptada oblystyq komissiianyń ekinshi otyrysy ótedi. Kún tártibinde aýdandarda atqyrylyp jatqan jumystyń barysyn talqylaimyz", – dedi bul oraida óńir basshysy.
