بۇل تۋرالى ءوڭىر باسشىسى دانيال احمەتوۆ حابارلادى.
⠀
ءبىرىنشى كەزەكتە، بيۋدجەتتەن تىس قاراجاتقا ءبىر ايدىڭ ىشىندە اۋىلدىق وكرۋگتەردە ءۇي كەزەگىندە تۇرعان كوپبالالى وتباسىلارىنا ارناپ وبلىستاعى 88 اۋىلدان 190 ءۇي، سونداي-اق، 4 اۋدان ورتالىعىنان 41 ءۇي الامىز.
تاڭداپ الىنعان 231 ءۇيدىڭ 70ء-ى جوندەۋدى قاجەت ەتەدى. بۇل جۇمىستار قىسقا مەرزىم ىشىندە سونداي-اق بيۋدجەتتەن تىس قاراجاتقا اتقارىلاتىن بولادى.
⠀
"ارنايى قۇرىلعان وبلىستىق كوميسسيا جينالىسىن وتكىزدىك. اتالمىش جۇمىس توبىنىڭ قۇرامىنا كوپبالالى انالار، قوعام وكىلدەرى مەن جۋرناليستەر كىردى.
ءبىزدىڭ ماقسات – بۇل جۇمىستىڭ فورمالدى ەمەس، ناقتى ناتيجەسىن قامتاماسىز ەتۋ. سوندىقتان قۇرامىنا كوپبالاى انالار مەن قوعام وكىلدەرى كىرگەن اۋداندىق دەڭگەيدەگى كوميسسيا مۇشەلەرىنىڭ اتقاراتىن ءرولى اسا ماڭىزدى ەكەنىن ايتقىم كەلەدى.
ولار جوندەۋ جۇمىستارىنان باستاپ، سول ۇيلەرگە قونىس تەبۋىنە دەيىنگى جۇمىس بارىسىن تولىق قاداعالاۋعا الۋلارى كەرەك.
ءبىز، كوميسسيا كوپبالالى انالارعا ءتيىستى جوندەۋ جۇمىستارى جۇرگىزىلمەگەن ءۇيدى ءماجبۇرلى تۇردە بەرۋ جاعدايلارىن بولدىرماۋىمىز كەرەك.
قاراجات ءبولىندى، بارلىق اۋداندار بۇل جوبانى جۇزەگە اسىرۋعا كىرىسىپ كەتكەنىن تاعى ءبىر مارتە قايتالاپ ايتامىن.
⠀
قالعان اۋدان ورتالىقتارى مەن قالالار، ياعني، ەكىنشى جانە ءۇشىنشى كەزەڭدەر بويىنشا «باقىتتى وتباسى» باعدارلاماسى بويىنشا جۇمىس ىستەيمىز.
تۇرعىن ءۇي جيناق بانكى ارقىلى جىلدىق ۇستەماقىسى 2% كوپبالالى جانە از قامتىلعان وتباسىلارى 20 جىلعا يپوتەكا الۋ مۇمكىندىگىنە يە بولادى. تەك تولەمقابىلەتتىلىگىن راستاۋلارى قاجەت.
بۇل رەتتە ايتا كەتۋ كەرەك، العاشقى جارنا بارلىعىندا جوق، سوندىقتان سەرتيفيكات بەرۋ مۇمكىندىگىن قاراستىرىپ جاتىرمىز. بۇل كەزەڭدەر تولىق زەردەلەگەننەن كەيىن وبلىس بويىنشا باستاۋ الادى.
⠀
كەلەسى اپتادا وبلىستىق كوميسسيانىڭ ەكىنشى وتىرىسى وتەدى. كۇن تارتىبىندە اۋدانداردا اتقىرىلىپ جاتقان جۇمىستىڭ بارىسىن تالقىلايمىز"، – دەدى بۇل ورايدا ءوڭىر باسشىسى.
