Danial Ahmetov: "Kópbalaly otbasylar úi kezeginde turmaýy kerek. Biz muny joiamyz"
Óńir basshysynyń aitýynsha, ótken jyldyń basynda baspana kezeginde 906 otbasy turǵan, onyń ishinde aýyldyq jerde turatyn 563 otbasy búgingi tańda baspanaǵa qol jetkizdi.
– Aǵymdaǵy jyldyń sońyna deiin óńirde 1038 kópbalaly otbasy qonys toiyn toilaityn bolady. Kezekte turǵandardyń sany jyl saiyn artyp keledi. 2017 jyldan bastap baspana alý kezegi 4 esege ósti. Kópbalaly otbasylardyń turǵyn úi alý kezegin 2022 jylǵa deiin joiýdy josparlap otyrmyz, – dedi Danial Ahmetov.
Jalpy, halyqtyń barlyq toptaryn sapaly jáne qoljetimdi turǵyn úimen qamtamasyz etý úshin jalpy kólemi 588 myń sharshy metr 122 kóp páterli jáne 217 bir qabatty úilerdiń qurylysy júrgizilýde.
Jyl qorytyndysy boiynsha 74 kóppáterli jáne 204 bir qabatty úilerdi tapsyrý josparlanǵan. Bul 519 myń sharshy metr turǵyn úi nemese 4 900 páter.
Jalpy, turǵyn úi qurylysyna 30 mlrd. teńge investitsiia tartyldy. Bul 2019 jylmen salystyrǵanda 1,5 ese artyq.
