ءوڭىر باسشىسىنىڭ ايتۋىنشا، وتكەن جىلدىڭ باسىندا باسپانا كەزەگىندە 906 وتباسى تۇرعان، ونىڭ ىشىندە اۋىلدىق جەردە تۇراتىن 563 وتباسى بۇگىنگى تاڭدا باسپاناعا قول جەتكىزدى.
– اعىمداعى جىلدىڭ سوڭىنا دەيىن وڭىردە 1038 كوپبالالى وتباسى قونىس تويىن تويلايتىن بولادى. كەزەكتە تۇرعانداردىڭ سانى جىل سايىن ارتىپ كەلەدى. 2017 جىلدان باستاپ باسپانا الۋ كەزەگى 4 ەسەگە ءوستى. كوپبالالى وتباسىلاردىڭ تۇرعىن ءۇي الۋ كەزەگىن 2022 جىلعا دەيىن جويۋدى جوسپارلاپ وتىرمىز، – دەدى دانيال احمەتوۆ.
جالپى، حالىقتىڭ بارلىق توپتارىن ساپالى جانە قولجەتىمدى تۇرعىن ۇيمەن قامتاماسىز ەتۋ ءۇشىن جالپى كولەمى 588 مىڭ شارشى مەتر 122 كوپ پاتەرلى جانە 217 ءبىر قاباتتى ۇيلەردىڭ قۇرىلىسى جۇرگىزىلۋدە.
جىل قورىتىندىسى بويىنشا 74 كوپپاتەرلى جانە 204 ءبىر قاباتتى ۇيلەردى تاپسىرۋ جوسپارلانعان. بۇل 519 مىڭ شارشى مەتر تۇرعىن ءۇي نەمەسە 4 900 پاتەر.
جالپى، تۇرعىن ءۇي قۇرىلىسىنا 30 ملرد. تەڭگە ينۆەستيسيا تارتىلدى. بۇل 2019 جىلمەن سالىستىرعاندا 1،5 ەسە ارتىق.
