Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Danial Ahmetov jaraqat alǵan jaýyngerlerge baryp, jaǵdaiyn surady

Dalanews
Danial Ahmetov jaraqat alǵan jaýyngerlerge baryp, jaǵdaiyn surady
5 qańtarda Óskemen qalasynyń ortalyq alańynda narazylyq bastalǵanda politsiia qyzmetkerleri olarǵa qarsy kúsh pen qarý qoldanbaǵan. Alaida, biraz ýaqyttan keiin bul naqty belgilengen talaptary bar beibit miting emes ekeni belgili boldy. Narazylyq bildirýshiler bilik ókilderi men quqyq qorǵaý organdary qyzmetkerleriniń kelissózder júrgizý usynystaryn múlde elemegen.  Mitingige shyqqandardyń arasynda bolǵan arandatýshylar bilik pen kúshtik qurylym ókilderine qarsy quqyqqa qarsy áreketterge, oblys ákimdigin basyp alýǵa, avtokólikti qiratýǵa jáne órteýge itermeledi. Tártipsizdikterdi toqtatý jáne beibit turǵyndardy qorǵaý úshin politsiia qyzmetkerleri kózden jas aǵyzatyn arnaiy gazdy qoldanýǵa májbúr boldy, – dep habarlaidy Dalanews.kz.

Alaida keshke alańǵa jinalǵandar sany arta tústi. ShQO politsiia departamentiniń málimetinshe, jalpy oblys ortalyǵyndaǵy tártipsizdikterge eki myńǵa jýyq adam qatysqan. Olar modýldik politsiia beketin órtep, jaqyn mańdaǵy kafeniń terezelerin syndyrdy.

Qaqtyǵys nátijesinde birneshe áskeri qyzmetker jaraqat alyp, politsiia qyzmetkerleriniń birshamasy zardap shekti. Óskemen áskeri bóliminiń ekinshi atqyshtar rotasy baqylaýshylar vzvodynyń kishi serjanty tynys alý joldarynyń himiialyq kúiigin alsa, al politsiia qyzmetkerleriniń biri granata synyqtarymen jaralandy. Qazir zardap shekkender emdelýde.

ShQO ákimi Danial Ahmetov jaraqat alǵan áskeri qyzmetshilerge arnaiy bardy. Óńir basshysy qyzmetkerlerdiń beibitshilik pen kelisimdi buzýǵa tyrysqandarǵa qarsy tótep berip, Otanyna aldyndaǵy boryshtaryn ótegen árqaisysyna alǵysyn aitty.

Politsiia qyzmetkeriniń aitýynsha, barlyǵy óz otanyn jáne Egemen Qazaqstan azamattaryn qorǵaý mindetin atqarǵan.

– Mitingige shyqqandar oblys ákimdiginiń janyndaǵy qorshaý arqyly ótip ketken soń, men olardy toqtata bastadym. Olar granata laqtyrdy. Beibit azamattardy qorǵap, keýdemdi oqqa tostym, – dedi politsiia qyzmetkeri.

Óńir basshysy jaýyngerlerdiń tezirek saýyǵyp ketýin tilep, minsiz qyzmeti úshin alǵysyn bildirdi.
Madina Sádýaqasova

Oqi otyryńyz