Ónerpazdar kórermenderge Elbasynyń Qazaqstan Respýblikasynyń qaryshtap damýyndaǵy eńbegin kórsetetin qoiylym tartý etti.
Shyǵys Qazaqstan oblysynyń ákimi is-sharaǵa qatysýshylardy meirammen quttyqtap:
– Búgingi mereke – halqyn ańsaǵan armanyna jetkizip, derbes memleket qurǵan birtýar perzentine degen ultynyń ystyq yqylasy. Eren eńbek, salihaly saiasatymen tarihi qysqa ýaqytta Qazaqstandy dúnie júzine tanytqan kemeńger Elbasymyzǵa degen halqynyń aq nieti. Qazaqstan, Táýelsizdik, Prezident Nursultan Nazarbaev bir-birinen ajyramas uǵymdar, – dedi.
Tamasha kontserttik baǵdarlama oblys ónerpazdarynyń óner kórsetýimen jalǵasyn tapty. Shyǵysqazaqstandyqtardy quttyqtaý úshin «Astana Opera» teatrynyń solisteri Alfiia Karimova men Medet Chotobaev keldi.
Jalpy, merekege orai óńirde 300-den astam is-sharalar uiymdastyrylǵan. Búgin oblystyq kitaphanada Qazaqstan Respýblikasy Prezidentiniń oqý zaly jáne Qazaqstan Halqy Assambleiasynyń murajaiy ashyldy.
Sondai-aq, aimaqta Prezidenti kúnine orai Elbasy kitaphanasynyń oqý zalynyń ashylý saltanaty ótti. Aita ketý kerek, bul zal Qazaqstandaǵy birinshi aimaqtyq oqý zaly.
– QR Tuńǵysh Prezidenti – Elbasy kitaphanasynyń alǵashqy aimaqtyq oqý zalynyń Shyǵys qazaqstanda ashylýy kezdeisoqtyq emes. Aimaǵymyz ár sala boiynsha joǵary kórsetkishterge jetip, respýblikalyq deńgeide aldyńǵy orynan kórinýde. Atalǵan zaldyń ashylýyna qoldaý bildirgen azamattar men kásiporyndarǵa alǵysymdy bildiremin, – dedi ShQO ákiminiń orynbasary Ásem Núsipova.
Aldaǵy ýaqytta interaktivti taqta jáne zamaýi tehnikamen jabdyqtalǵan oqý zalynyń bóliminde oqyrmandarǵa arnalǵan túrli onlain rejimde seminarlar ótkizilmek.
"QmD" aqparat
